ໃນລະຫວ່າງວັນທີ 19 ຫາ 21 ກໍລະກົດ 2022 ນີ້, ຢູ່ທີ່ສະໂມສອນຫ້ອງວ່າການເມືອງປາກລາຍ ແຂວງໄຊຍະບູລີ ໄດ້ຈັດກອງປະຊຸມ ຝຶກອົບຮົມສ້າງຄວາມເຂັ້ມແຂງ ໃນການຕິດຕາມກວດກາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ ທັກສະ ຕ່າງໆ ໃນການປະຕີບັດສິດ-ພັນທະໃຫ້ແກ່ສະ ມາຊິກສະ ພາປະຊາຊົນແຂວງ ຊຸດທີII ແລະພະນັກ ງານ-ລັດຖະກອນ ຂອງສະພາປະຊາຊົນແຂວງ ໂດຍການເປັນປະທານຂອງທ່ານ ເພັງນິລັນ ຄໍາພັນເພັງ ຮອງເລຂາພັກແຂວງ ປະທານສະພາປະຊາຊົນແຂວງ ໄຊຍະບູລີ ແລະ ທ່ານ ຄໍາຝັ້ນ ວົງສະຫວັນ ຄະນະປະຈໍາພັກເມືອງ ຮອງເຈົ້າເມືອງໆປາກລາຍ ໃຫ້ກຽດເຂົ້າ ຮ່ວມ ແລະ ເປັນນັກວິທະຍາກອນໂດຍ: ທ່ານ ອໍາໄພ ຈິດມານົນ ຮອງປະທານກໍາມາທິການ ກົດໝາຍ ສະພາແຫ່ງຊາດ, ທ່ານ ທັນຕາ ກອງຜາລີ ຮອງປະທານກໍາມາທິການແຜນ ການ, ການເງິນ ແລະ ການກວດສອບ ສະພາແຫ່ງຊາດ, ພ້ອມດ້ວຍທ່ານ ຄໍາສິງ ໄຊສົມແພງ ຮອງປະທານກໍາມາທິການວຽກງານສະມາຊິກສະພາແຫ່ງຊາດ ແລະ ຕາງ ໜ້າພະແນກເຕັກໂນໂລຊີ ແລະ ການສື່ສານ, ມີບັນດາສະ ມາຊິກສະພາແຫ່ງຊາດ ປະຈໍາເຂດເລືອກຕັ້ງ ທີ7 ແລະ ສະ ມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ 11 ເມືອງ ໃນທົ່ວແຂວງ, ມີຫົວໜ້າ-ຮອງຫົວໜ້າຂະແໜງການ ພ້ອມດ້ວຍພະ ນັກງານ-ວິຊາການຈໍານວນໜື່ງພາຍໃນສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.

     ຈຸດປະສົງໃນການຈັດຝຶກອົບຮົມຄັ້ງນີ້ ກໍເພື່ອສ້າງຄວາມເຂັ້ມແຂງ ໃຫ້ແກ່ສະມາຊິກສະພາປະຊາຊົນແຂວງ ແລະ ເສນາທິການຊ່ວຍວຽກຂອງສະພາປະຊາຊົນແຂວງ ພ້ອມທັງເປັນການຍົກລະດັບຄວາມຮູ້, ຄວາມສາມາດ ໃນການຈັດຕັ້ງປະຕິບັດໜ້າທີ່ວຽກງານໃນສາມພະລະບົດ ບາດ ຕົ້ນຕໍຂອງສະພາປະຊາຊົນແຂວງ ທີ່ໄດ້ກໍານົດໄວ້ ຄືດ້ານນິຕິ ບັນຍັດແມ່ນສ້າງ ແລະ ປັບປຸງນິຕິກໍາໃຕ້ກົດໝາຍ, ດ້ານການຕົກລົງບັນຫາພື້ນຖານສໍາຄັນຂອງແຂວງ ເປັນຕົ້ນແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ແລະ ດ້ານການຕິດຕາມກວດກາການຈັດຕັ້ງປະຕິບັດ ລັດຖະທໍາ ມະນູນ, ກົດໝາຍ ໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ພາຍໃນແຂວງ. ຊຶ່ງໃນກອງປະຊຸມແມ່ນໄດ້ຮັບຟັງການນໍາສະເໜີ ແລະ ບັນ ຍາຍເນື້ອໃນເອກະສານຈາກນັກວິທະຍາກອນທີ່ມີຄວາມຮູ້, ຄວາມສາມາດ, ມີປະສົບການຕົວຈິງຈາກຂັ້ນກໍາມາທິການ ສະພາແຫ່ງຊາດ ປະກອບມີ 7 ຫົວຂໍ້ ຄື: ການສ້າງນິຕິກໍາໃຕ້ກົດໝາຍ ໃຫ້ສະ ມາຊິກສະພາປະຊາຊົນແຂວງ ແລະ ພະນັກງານ-ລັດຖະກອນ ພາຍໃນສະພາປະ ຊາແຂວງ; ການໃຫ້ຄໍາປຶກສາທາງດ້ານກົດໝາຍ ຕໍ່ຜູ້ມີສິດເລືອກຕັ້ງຂັ້ນເມືອງ ໃຫ້ແກ່ສະມາຊິກສະພາປະຊາຊົນແຂວງ; ທັກສະການຕິດຕາມກວດກາ ແລະ ຊຸກຍູ້ແຜນພັດທະນາເສດຖະກິດ-ສັງຄົມ, ແຜນງົບປະ ມານ ທີ່ຕິດພັນກັບຂົງເຂດເສດຖະກິດ ເພື່ອພິຈາ ລະນາໃນກອງປະຊຸມສະໄໝສາມັນ ຂອງສະພາປະຊາຊົນແຂວງ ແລະກອງປະຊຸມຄະນະປະຈໍາສະພາປະຊາຊົນແຂວງ ແລະການຄົ້ນຄ້ວາພິຈາ ລະນາບັນດາຄາດໝາຍດ້ານເສດຖະກິດມະຫາພາກ ການຈັດສັນງົບປະມານການລົງທືນ; ການລົງຕິດ ຕາມກວດກາ ແລະຊຸກຍູ້ ມະຕິກອງປະຊຸມສະພາແຫ່ງ ຊາດ ແລະ ສະພາປະຊາຊົນຂັ້ນແຂວງ ແລະ ບັນຫາທີ່ເຄັ່ງຮ້ອນຂອງແຂວງ; ການຕິດຕາມກວດກາການຈັດຕັ້ງປະຕິບັດຄໍາຊີ້ແຈ້ງຂອງບຸກຄະລາກອນ ທີ່ສະພາປະຊາຊົນແຂວງເລືອກຕັ້ງ ແລະ ຮັບຮອງເອົາການແຕ່ງຕັ້ງ; ກ່ຽວກັບການປະກອບຄໍາເຫັນ ແລະຊັກຖາມໃຫ້ສະມາຊິກສະພາປະຊາຊົນແຂວງ; ການນໍາໃຊ້ເທັກໂນໂລຊີເຂົ້າໃນການດໍາເນີນກອງປະຊຸມທາງໄກ ແລະການລົງຄະແນນສຽງຮັບ ຮອງເອົາມະຕິຕ່າງໆ ໃຫ້ສະມາ ຊິກສະພາປະຊາຊົນແຂວງ. ຈາກນັ້ນ, ຜູ້ແທນທີ່ເຂົ້າຮ່ວມກອງປະຊຸມ ກໍໄດ້ຄົ້ນຄ້ວາແລກປ່ຽນບົດຮຽນ ພ້ອມທັງປະກອບຄໍາຄິດ-ຄໍາເຫັນເຊິ່ງກັນ ແລະ ກັນ ໃນແຕ່ລະຫົວຂໍ້ທີ່ນໍາມາສະເໜີ ເຮັດໃຫ້ມີເນື້ອໃນເລິກເຊິ່ງ ແລະສາມາດນໍາໄປໜູນໃຊ້ເຂົ້າໃນວຽກ ງານຕົວຈິງໃຫ້ເກິດດອກອອກຜົນ ເຮັດໃຫ້ແຜນການຈັດຝຶກອົບຮົມໃນຄັ້ງນີ້ໄດ້ຮັບຜົນສໍາເລັດຕາມຈຸດປະສົງ ແລະລະດັບຄາດໝາຍທີ່ວາງໄວ້.ກອງປະຊຸມຝຶກອົບຮົມໃນຄັ້ງນີ້ ແມ່ນໄດ້ຮັບການສະໜັບ ສະໜູນໂດຍ: ແຜນງານມີສວນຮ່ວມຂອງປະຊາຊົນຕໍ່ວຽກ ງານການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ (ແຜນງານເຊກາ CEGGA).

ໂດຍ: ອິນທີ ຂຽວສີຟ້າ