ວັນທີ່ 4-5 ຕຸລາ 2023 ນີ້, ທ່ານ ຈັນທະສຸລີນ ໝັ້ນປະດິດ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ່3 ຄະນະປະຈໍາສະພາປະຊາຊົນ ປະທານຄະນະກໍາມະການ ປກຊ-ປກສ ຂອງ ສະພາປະຊາຊົນແຂວງຫຼວງນໍ້າທາ ພອ້ມດ້ວຍບັນດາ ທ່ານ ສະມາຊິກສະພາປະຊາຊົນແຂວງປະຈໍາເມືອງສິງແຂວງຫຼວງນໍ້າທາ, ໄດ້ລົງພົບປະປະຊາຊົນຜູ້ມີສິດປ່ອນບັດເລືອກຕັ້ງຢູ່ 4 ຈຸດຄື ບ້ານເສື້ອແດງ, ບ້ານດອນໃໝ່, ບ້ານນໍ້າແກ້ວນ້ອຍ ແລະ ບ້ານໜອງບົວ ມີຜູ້ເຂົ້າຮ່ວມທັງໝົດ 350 ຄົນ, ຍີງ 153 ຄົນ,

ການພົບປະແຕ່ລະບ້ານແມ່ນໄດ້ນໍາສະເໜີ ຜ່ານມະຕິຂອງຄະນະປະຈໍາສະພາປະຊາຊົນແຂວງວ່າດ້ວຍການພົບປະ ປະຊາຊົນຂອງສະມາຊິກສະພາແຫ່ງຊາດປະຈໍາເຂດເລືອກຕັ້ງ ແລະ ສະມາຊິກສະພາປະຊາຊົນແຂວງ, ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ5ຂອງ ສສຊ ຊຸດທີ່ lX ແລະ ສສຂ  ຊູດທີ Il, ກົດໝາຍວ່າດ້ວຍສະພາປະຊາຊົນແຂວງ ສະບັບເລກທີ່ 65/ສພຊ, ລົງວັນທີ 10 ທັນວາ 2022 ໃຫ້ຜູ້ເຂົ້າຮ່ວມໄດ້ຮັບຮູ້ເຂົ້າໃຈດີຂື້ນຕໍ່ກັບພາລະບົດບາດຂອງສະມາຊິກສະພາແຫງຊາດ ແລະ ສະພາປະຊາຊົນແຂວງ ເຊີ່ງໄດ້ສະແດງອອກໃຫ້ເຫັນໃນການມີຄໍາຄິດຄໍາເຫັນບັນຫາຂໍ້ຂ້ອງໃຈ, ສົນໃຈ,ໃນ ດ້ານຕ່າງໆ, ເປັນຕົ້ນແມ່ນການພັດທະນາດ້ານເສດຖະກິດ-ສັງຄົມຂອງຊາດ, ຂອງແຂວງ, ຂອງເມືອງ ແລະ ບ້ານ, ພ້ອມດຽວກັນນີ້ປະຊາຊົນແມ່ນມີຄວາມຕຸ້ອງການຢາກໃຫ້ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງລົງໃກ້ສິດໄປຮອດໄປເຖີງ, ພົບປະປະຊາຊົນໃຫ້ຫຼາຍຂື້ນກວ່າເກົ່າ, ນໍາເອົາຄວາມຄິດຄວາມເຫັນຂອງປະຊາຊົນໄປພິຈາລະນາໃຫ້ໄດ້ຫຼາຍຂື້ນ, ທັງນີ້ກໍ່ເພື່ອເຮັດໃຫ້ປະຊາຊົນເຂົ້າແຈ້ງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີສະຕິເປັນເຈົ້າເຄົາລົບຈັດຕັ້ງປະຕິບັດຢູ່ພາຍໃຕ້ລະບຽບກົດໝາຍຊີວິດການເປັນຢູ່ໄດ້ຮັບການພັດທະນາແລະມີຄວາມຍຸຕິທໍາ

                                                                                                                                                             ພາບ ແລະ ຂ່າວ ນາງ ອາເມີງ ວີແຄລູ

/