ສະພາປະຊາຊົນແຂວງຫຼວງນໍ້າປະຊຸມສະຫຼູບປະຈໍາ 3 ເດືອນ ແລະ ແຜນການ 3 ເດືອນທ້າຍປີ ວັນທີ 25 ຕຸລາ 2023  ສະພາປະຊາຊົນແຂວງຫຼວງນໍ້າ ໄດ້ຈັດກອງປະຊຸມສະຫຼູບ 3 ເດືອນຕີລາຄາຄືນເບີ່ງຜົນການຈັດຕັ້ງປະຕິບັດວຽກງານວິຊາສະເພາະຂອງສະພາປະຊາຊົນແລະວາງທິດທາງ 3 ເດືອນທ້າຍປີ 2023 ,ຢູ່ທີຫ້ອງປະຊຸມສະພາປະຊາຊົນແຂວງຫຼວງນໍ້າທາ, ພາຍໃຕ້ການເປັນປະທານຂອງ ທ່ານ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ, ມີບັນດາທ່ານຄະນະປະຈໍາສະພາປະຊາຊົນ, ບັນດາທ່ານ ສສຊ-ສສຂ, ຄະນະເລຂາທິການ, ພະນັກງານ-ລັດຖະກອນພາຍໃນສະພາປະຊາຊົນແຂວງເຂົ້າຮ່ວມທັງໝົດ 40 ກວ່າທ່ານ

ໃນກອງປະຊຸມໄດ້ຮັບຟັງຜ່ານບົດສະຫຼູບວຽກງານຮອບດ້ານຂອງສະພາປະຊາຊົນ 3 ເດືອນຜ່ານມາການເມືອງແນວຄິດຂອງພະນັກງານລັດຖະກອນມີຄວາມອຸ່ນອຽ່ນທູ່ນທຽ່ງ,ປະຕິບັດໜ້າທີ່ວິຊາສະເພາະເອົາໃຈມີຜົນສໍາເລັດຕາມຄາດໝາຍ,ແຜນການ3ເດືອນຕໍ່ໜ້າຈະໄດ້ສືບຕໍ່ສືກສາອົບຮົມການເມືອງແນວຄິດພະນັກງານໃຫ້ມີຄວາມອຸ່ນອຽນທູ່ນທ່ຽງເຊື່ອໝັ້ນຕໍ່ການນໍາພາຂອງພັກ,ຫ້າວຫັນປະຕິບັດໜ້າທີ່ດວ້ຍຄວາມຮັບຜິດຊອບສູງ,ພ້ອມດຽວກັນນີ້ກໍ່ໄດ້ມີການປະກາດຜົນຂອງການແຕ່ງຕັ້ງຮອງເລຂາທິການຜູ້ໃໝ່ຕາມມະຕິຂອງຂອງຄະນະປະຈໍາ ສພຂ ເລກທີ 144/ຄປຈຂ.ສພຂ ລົງວັນທີ25ຕຸລາ 2023 ແລະໄດ້ປະກອບຄໍາຄິດຄໍາເຫັນເພື່ອກໍ່ສ້າງເຊີ່ງກັນແລະກັນຕື່ມອີກ,ຕອນທ້າຍຂອງກອງປະຊຸມໄດ້ຈັດພິທີມອບໃບຍ້ອງຍໍປະຈໍາປີ2022ຂອງທ່ານເຈົ້າແຂວງຕາມຂໍ້ຕົກລົງເລກທີ398/ຈຂ ລົງວັນທີ28 ຕຸລາ2022ໃຫ້ພະນັກງານດີເດັ່ນຈໍານວນ 43 ທ່ານ. ໂດຍແມ່ນທ່ານຄໍາຟອງອິນມານີ ຮອງເລຂາພັກແຂວງ ປະທານສະພາປະຊາຊົນແຂວງໃຫ້ກຽດມອບ,ໃນໂອກາດນີ້ທ່ານຄໍາຟອງ ອິນມານີ ປະທານກອງປະຊຸມໄດ້ມີຄໍາເຫັນເນັ້ນໜັກໃຫ້ພະນັກງານເອົາໃຈໃສ່ເຕົ້າໂຮມຄວາມສາມັກເປັນປືກແຜນແໜ້ນໜາຕັ້ງໜ້າຝືກຝົນຫຼໍ່ຫຼອມຕົນເອງຮັກສາຄູນທາດການເມືອງໃຫ້ມີຄວາມໜັກແໜ້ນ,ເຂັ້ມແຂງໃນດ້ານການປະຕິບັດໜ້າທີວິຊາສະເພາະຂອງແຕລະຄົນໃຫ້ຖືກຕ້ອງຕາມແນວທາງນະໂຍບາຍຂອງພັກລະບຽບກົດໜາຍຂອງລັດພອ້ມກັນພັດທະນາຕົນເອງໃຫ້ດີຂື້ນກວ່າເກົ່າ.

ໂດຍ ອາເມີງ ວີແຄລູ