ຕອນເຊົ້າຂອງວັນທີ 01 ທັນວາ 2022 ນີ້ ສະພາປະຊາຊົນແຂວງຫຼວງນໍ້າທາ ໄດ້ຈັດພິທີປາຖະກະຖາວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ ( 02 ທັນວາ 1975 – 02 ທັນວາ 2022) ແລະ ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 102ປີ ( 13 ທັນວາ 1920- 13 ທັນວາ 2022 ) ຂຶ້ນທີ່ຫ້ອງປະຊຸມຂອງສະພາປະຊາຊົນແຂວງ, ໂດຍການເປັນປະທານຂອງ ທ່ານ ຈັນທະສຸລິນ ໝັ້ນປະດິດ ສະມາຊິກສະພາແຫ່ງຊາາດປະຈຳເຂດເລືອກຕັ້ງ ປະທານຄະນະກຳມະການຍຸຕິທຳ ປກຊ – ປກສ ສະພາປະຊາຊົນແຂວງ ເຂົ້າຮ່ວມໂດຍ ຄະນະເລຂາທິການ, ຫົວໜ້າ, ຮອງຂະແໜງ ແລະ ພະນັກງານລັດຖະກອນເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ຂອງ ທ່ານ ຈັນທະສຸລິນ ໝັ້ນປະດິດ ສະມາຊິກສະພາແຫ່ງຊາາດປະຈຳເຂດເລືອກຕັ້ງ ປະທານຄະນະກຳມະການຍຸຕິທຳ ປກຊ – ປກສ ສະພາປະຊາຊົນແຂວງ ໄດ້ຂື້ນປາຖະກະຖາ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ (ວັນທີ 2 ທັນວາ 1975-2 ທັນວາ 2022) ເພື່ອນໍາພາປະຊາຊົນເຮັດໃຫ້ສໍາເລັດພາລະກິດປົດປ່ອຍຊາດ, ຕໍ່ສູ້ກູ້ຊາດຕ້ານພວກລ່າເມືອງຂື້ນຝລັ່ງທີ່ກັບຕ່າວຄືນມາຮຸກຮານປະເທດລາວຄັ້ງທີ 2 ໃນປີ 1946-1954 ພັກເຮົາໄດ້ວາງແນວທາງການຕໍ່ສູ້ຕ້ານຂອງການປະຕິວັດລາວ, ຕໍ່ຕ້ານຍືດເຍື້ອຍາວນານ, ປຸກລະດົມຂົນຂວາຍນໍາພາການກໍ່ສ້າງຖານທີ່ໝັ້ນຂອງການປະຕິວັດພຽງແຕ່ໄລຍະສັ້ນໆ,ຖານທີ່ໝັ້ນການປະຕິວັດໄດ້ເກີດຂື້ນຢູ່ໃນຂົງເຂດຕ່າງໆ ແລະ ໄດ້ສ້າງຕັ້ງກອງກໍາລັງປະກອບອາວຸດປະຕິວັດກໍ່ໄດ້ຮັບການສ້າງຕັ້ງຂື້ນ, ມາຮອດໃນເດືອນເມສາ ປີ 1948 ສູນກາງພັກກອມມູນິດອິນດຸຈີນໄດ້ຕົກລົງສ້າງຕັ້ງກອງຕະລຸມບອນລາວເໜືອໂດຍແມ່ນປະທານໄກສອນພົມວິຫານເປັນຜູ້ບັນຊາ, ກອງຕະລຸມບອນນີ້ມີໜ້າທີ່ກໍ່ສ້າງຮາກຖານ,ຈັດຕັ້ງປະກອບອາວຸດກໍ່ສ້າງຖານທີ່ໝັ້ນຢູ່ເຂດຕາເວັນອອກສ່ຽງເໜືອຢູ່ຖານທີ່ໝັ້ນບ້ານລາວຮຸ່ງເມືອງຊຽງຄໍ້ແຂວງຫົວພັນເປັນບ່ອນກອງລາດຊະວົງເຄື່ອນໄຫວໂດຍແມ່ນປະທານໄກສອນພົມວິຫານເປັນຜູ້ບັນຊາການ ແລະໄດ້ປະກາດສ້າງຕັ້ງກອງທັບລາວອິດສະຫຼະຂື້ນຢ່າງເປັນທາງການໃນວັນທີ 20 ມັງກອນ 1949 ກໍາລັງອາວຸດປະຕິວັດໄດ້ຮັບການກໍ່ສ້າງຕັ້ງຂະຫຍາຍຕົວຢ່າງແຂງແຮງຍິ່ງຕີຍິ່ງໄດ້ຮັບໄຊຊະນະອັນໃຫ່ຍຫຼວງ.ຕົ້ນປີ 1953 ແລະ ກອງປະຊຸມໃຫ່ຍສ້າງຕັ້ງພັກປະຊາຊົນລາວໄດ້ໄຂຂື້ນໃນວັນທີ 22 ມີນາ 1955 ກອງປະຊຸມໄດ້ວາງແຜນໂຄງການ, ການເມືອງເພື່ອນໍາພາພາລະກິດປະຕິວັດຊາດປະຊາທິປະໄຕພ້ອມທັງໄດ້ກຳນົດໜ້າທີ່ສະເພາະໜ້າຂອງການປະຕິວັດລາວແມ່ນນຳພາທົ່ວປວງຊົນສາມັກຄີຕໍ່ສູ້ເຮັດໃຫ້ສຳເລັດພາລາກິດປົດປ່ອຍຊາດ, ສ້າງປະເທດລາວໃຫ້ເປັນປະເທດສັນຕິພາບ,ເອກະລາດ,ປະຊາທິປະໄຕ ມີຄວາມສາມັກຄີປວງຊົນທັງຊາດຢ່າງແໜ້ນແຟ້ນ,ມີຄວາມຕັດສິນໃຈຕໍ່ສູ້ຢ່າງເດັດດ່ຽວໜຽວແໜ້ນ ແລະ ພັກໄດ້ວາງແນວທາງລຸກຮື້ດ້ວຍ 3 ບາດກ້າວ, ຄ້ອນຍຸດທະສາດ ລຸກຮື້ຂື້ນຢຶດອໍານາດສິດເປັນເຈົ້າ ແລະ ສ້າງຕັ້ງອໍານາດການປົກຄອງປະຕິວັດຂື້ນໃນຂອບເຂດທົ່ປະເທດຈົນສາມາດຍາດມາໄດ້ໄຊຊະນະຢ່າງສົມບູນໃນປີ 1975.