ໃນຕອນແລງຂອງວັນທີ 5 ມີນາ 2024  ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ຈັດພິທີມອບ-ຮັບ ເຄື່ອງພະລັງງານໄຟຟ້າແສງຕາເວັນ ໃຫ້ກອງບັນຊາການປ້ອງກັນຄວາມສະຫງົບແຂວງຫລວງນ້ຳທາ ໂດຍການໃຫ້ກຽດມອບຂອງທ່ານ ຄໍາຟອງ ອິນມານີ ຮອງເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ, ໃຫ້ກຽດຮັບໂດຍ ທ່ານ ພັອ ປອ.ອາຄົມ ວົງພະຈັນ ຄະນະພັກກອງບັນຊາການ, ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງ. ມີບັນດາທ່ານ ສະມາຊິກສະພາປະຊາຊົນແຂວງ, ຄະນະເລຂາທິການສະພາປະຊາຊົນແຂວງ, ຄະນະກອງບັນຊາການ ປກສ ແຂວງ ແລະ ວິຊາການກ່ຽວຂ້ອງ ເຂົ້າຮ່ວມເປັນສັກຂີພິຍານຢ່າງພ້ອມພຽງ.

ຈຸດປະສົງຂອງການມອບເຄື່ອງພະລັງງານໄຟຟ້າແສງຕາເວັນຄັ້ງນີ້ ແມ່ນເພື່ອນໍາໄປມອບໃຫ້ກອງກໍ່ສ້າງຮາກຖານ 914 ທີ່ປະຈໍາຢູ່ເມືອງລອງ ແຂວງຫຼວງນໍ້າທາ ປະກອບສ່ວນເຂົ້າໃນການເຄື່ອນໄຫວວຽກງານປ້ອງກັນຄວາມສະຫງົບ ໃຫ້ມີປະສິດພາບສູງຂຶ້ນ ເຊິ່ງອຸປະກອນໄຟຟ້າແສງຕາເວັນມອບໃນຄັ້ງນີ້ປະກອບມີ ຈໍານວນ 2 ຊຸດ ມີແຜງໂຊລາເຊວຈໍານວນ 4 ແຜງ ;ຖານຈັບແຜງໂຊລາເຊວ ຈໍານວນ 2 ອັນ;ໝໍ້ໄຟ ຈໍານວນ 4 ໜ່ວຍ ;ກ໋ອງໃສ່ໝໍ້ໄຟ ຈໍານວນ 4 ອັນ ;ຮາວຈັບດອກໄຟ ຈໍານວນ 2 ອັນ;ດອກໄຟ ຈໍານວນ 2 ດອກ;ເສົາໄຟ ຈໍານວນ 2 ເສົາ;ຂໍ້ຕໍ່ເສົາ-ແຜງ ຈໍານວນ 2 ອັນ;ສາຍໄຟ ຈໍານວນ 30 ແມັດ ;ກ໋ອງບັນຊາລະບົບ ຈໍານວນ 2 ອັນ; ເຫຼັກເສັ້ນປ້ອງອ້ອຍ ຈໍານວນ 4 ອັນ;ນັອດຈັບຕີນເສົາ ຈໍານວນ 8 ໂຕ;ນັອດປະກອບ ຈໍານວນ 2 ຖົງ;ແຜ່ນເຫຼັກຮອງຕີນເສົາ ຈໍານວນ    2 ແຜ່ນ ເຊິ່ງລວມມູນຄ່າທັງໝົດ 37.690.000 ກີບ

ເຄື່ອງທີ່ນຳມອບໃນຄັ້ງນີ້ ແມ່ນໄດ້ຈາກການຊ່ວຍເຫລືອຂອງສະພາແຫ່ງຊາດ.

ໂດຍ ນາງ ອຳພອນ ສີປະເສີດ