ຕອນເຊົ້າຂອງວັນທີ 2 ມິຖຸນາ 2022 ນີ້ ສະພາປະຊາຊົນແຂວງຫລວງນໍ້າທາ ໄດ້ຈັດກອງປະຊຸມຮ່ວມກັບອົງການອຳນາດລັດຂັ້ນແຂວງ ເພື່ອປຶກສາຫາລືເນື້ອໃນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງຫລວງນໍ້າທາ ຊຸດທີ II ຂຶ້ນທີ່ຫ້ອງປະຊຸມຂອງສະພາປະຊາຊົນແຂວງ ໂດຍການເປັນປະທານຂອງ ທ່ານ ຄຳຟອງ ອິນມານີ ຮອງເລຂາພັກແຂວງ ປະທານສະພາະຊາຊົນແຂວງ, ໃຫ້ກຽດເຂົ້າຮ່ວມມີຮອງປະທານສະພາປະຊາຊົນແຂວງ, ຄະນະປະຈຳສະພາປະຊາຊົນແຂວງ, ຄະນະເລຂາທິການ, ບັນດາພະແນກການອ້ອມຂ້າງແຂວງທີ່ກ່ຽວຂ້ອງ, ຫົວໜ້າ, ຮອງຫົວໜ້າຂະແໜງ ແລະ ວິຊາການທີ່ກ່ຽວຂ້ອງພາຍໃນສະພາປະຊາຊົນແຂວງເຂົ້າຮ່ວມທັງໝົດ 22 ທ່ານ, ຍິງ 5 ທ່ານ.

ໃນກອງປະຊຸມໄດ້ມີການແລກປ່ຽນປະກອບຄຳເຫັນກັນຢ່າງເປັນຂະບວນເພື່ອ ກະກຽມ ຄວາມພ້ອມ ແລະເປັນເອກະພາບກັນກ່ຽວກັບການກະກຽມເນື້ອໃນທີ່ຈະນຳເຂົ້າກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງຫລວງນໍ້າທາ ຊຸດທີ II ໃນຕໍ່ໜ້າ.

                                                                                                                                                                                                                                                                                   ອຳພອນ ສີປະເສີດ