ຕອນເຊົ້າຂອງວັນທີ 6 ກັນຍາ 2024 ນີ້ ຢູ່ທີ່ຫ້ອງປະຊຸມຂອງ ສະພາປະຊາຊົນແຂວງຫລວງນໍ້າທາ ໄດ້ມີພິທີມອບ-ຮັບເຄື່ອງຊ່ວຍເຫລືອຈາກບໍລິສັດ ລາວເທບຈະເລີນ ປະກັນໄພ  ເຊິ່ງເຄື່ອງທີ່ນຳມາມອບໃນຄັ້ງນີ້ແມ່ນເສື້ອໂປໂລ ຈຳນວນ 14 ຜືນ ລວມມູນຄ່າ 2,600,000 ກີບ ເພື່ອຊຸກຍູ້ການເຄື່ອນໄຫວ ແລະ ຈັດຕັ້ງປະຕິບັດວຽກງານຂອງສະພາປະຊາຊົນແຂວງ

ໂດຍການກ່າວມອບຂອງທ່ານ ອຸທອນ ມະນີວັນ  ຫົວໜ້າສາຂາ ແຂວງຫລວງນ້ຳທາ ບໍລິສັດລາວເທບຈະເລີນ ປະກັນໄພ ແລະ ກ່າວຮັບຂອງທ່ານ ມີໄຊ ມີວິໄລ ກຳມະການຄະນະປະຈຳສະພາປະຊາຊົນແຂວງ ເລຂາທິການສະພາປະຊາຊົນແຂວງ

ໂອກາດສໍາຄັນນີ້ທ່ານ ມີໄຊ ມີວິໄລ ຍັງໄດ້ສະແດງຄວາມຂອບໃຈຕໍ່ບໍລິສັດດັ່ງກ່າວທີ່ໄດ້ມອບປັດໃຈໃນການຊູກຍູ້ວຽກງານຂອງສະພາປະຊາຂົນແຂວງ ພ້ອມທັງອວຍພອນໃຫ້ບໍລິສັດັ່ງກ່າວ ຈົ່ງມີຄວາມຈະເລີນຮຸ່ງເຮືອງ, ມີຄວາມມັງຄັງເຂັ້ມແຂງປະສົບຜົນສໍາເລັດຕາມເປົ້າໝາຍທີ່ວາງໄວ້, ໂອກາດໜ້າ ຫວັງຢ່າງຍິ່ງວ່າຈະໄດ້ຮັບການຊູກຍູ້ອຸປະຖຳຈາກບໍລິສັດອີກ.

ໃນຕອນທ້າຍພິທີໄດ້ມີພິທີມອບ-ຮັບໃບຊົມເຊີຍໃຫ້ບໍລິສັດລາວເທບຈະເລີນ ປະກັນໄພ ໂດຍການໃຫ້ກຽດມອບຂອງທ່ານ ມີໄຊ ມີວິໄລ ກຳມະການຄະນະປະຈຳສະພາປະຊາຊົນແຂວງ ເລຂາທິການສະພາປະຊາຊົນແຂວງ ແລະ ຮັບໂດຍ ທ່ານ ອຸທອນ ມະນີວັນ ຫົວຫນ້າສາຂາແຂວງຫລວງນ້ຳທາ ບໍລິສັດລາວເທບຈະເລີນ ປະກັນໄພ

ໂດຍ ນາງ ອຳພອນ ສີປະເສີດ