ວັນທີ 15 ສິງຫາ 2024 ແຂວງຫລວງນ້ໍາທາສ້າງຂະບວນການແຂ່ງຂັນກິລາບານເຕະ 7  ຄົນ ເພື່ອສະເຫຼີມສະຫຼອງວັນປະປະກາດໃຊ້ລັດຖະທຳມະນູນ ແຫ່ງ ສປປລາວ ຄົບຮອບ 33 ປີ ແລະ ວັນສ້າງຕັ້ງສານປະຊາຊົນຄົບຮອບ 42 ປີ ແລະ ຂັບນັບຮັບຕ້ອນວັນສໍາຄັນຕ່າງໆຂອງພັກຂອງຊາດ ໂດຍການນໍາພາຂອງທ່ານ ທອງແດງ ສິດທິສົນ ປະທານສານປະຊາຊົນແຂວງ ພ້ອມດ້ວຍຜູ້ຕາງໜ້າຈາກສະພາປະຊາຊົນແຂວງ,ສານປະຊາຊົນແຂວງ, ອົງການໄອຍະການປະຊາຊົນ ແລະ ພະແນກຍຸຕິທຳແຂວງຫລວງນ້ຳທາ ພ້ອມດ້ວຍນັກກິລາເຂົ້າຮ່ວມ.

ຈຸດປະສົງໃນການແຂ່ງຂັນກິລາໃນຄັ້ງນີ້ ແມ່ນເພື່ອຊິງຂັນວັນປະກາດໃຊ້ລັດຖະທໍາມະນູນ ແຫ່ງ ສປປລາວຄົບຮອບ 33 ປີ ( 15 ສິງຫາ 1991 – 15 ສິງຫາ 2024 ) ແລະ ວັນສ້າງຕັ້ງສານປະຊາຊົນ ແຫ່ງ ສປປລາວ ຄົບຮອບ 42 ປີ ( 15 ສິງຫາ 1982 – 15 ສິງຫາ 2024 )  ປະກອບມີທີມນັກກິລາເຂົ້າຮ່ວການແຂ່ງຂັນ 4 ທີມຄື:ທີມສະພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນ ແລະ ພະແນກຍຸຕິທໍາແຂວງ. ຜ່ານການແຂ່ງຂັນສາມາດສະຫລຸບໄດ້ຄື: ຊິງຊະນະເລີດພົບກັນລະຫລວ່າງສະພາປະຊາຊົນແຂວງກັບພະແນກຍຸຕິທຳແຂວງ ຜົນປະກົດວ່າ ທີມສະພາປະຊາຊົນແຂວງສາມາດເອົາຊະນະ  ດ້ວຍຄະແນນ 4/2 ປະຕູ ທີ1 ໄດ້ຮັບເງິນລາງວັນ 2 ລ້ານກີບ ພ້ອມຂັນ 1 ໜ່ວຍ ທີ 2 ໄດ້ຮັບເງິນລາງວັນ 1 ລ້ານກີບ  ທີ3 ພົບກັນລະຫວ່າງ ສານປະຊາຊົນແຂວງ ກັບອົງການໄອຍະການປະຊາຊົນແຂວງ. ທີມສານປະຊາຊົນເອົາຊະນະ  ທີມອົງການໄອຍະການ  ດ້ວຍຄະແນນ 2 /1 ປະຕູ ທີ3  ໄດ້ຮັບ 5 ແສນກີບ ແລະ ລາງວັນຊົມເຊີຍ 3 ແສນກີບ ໃຫ້ກຽດມອບຂັນ ແລະ ເງິນລາງວັນຂອງທ່ານ ທອງແດງ ສິດທິສົນ ປະທານສານປະຊາຊົນແຂວງ

ພາບ ແລະ ຂ່າວ ໂດຍ ນັກຂ່າວ ສພຂ