ຕອນເຊົ້າວັນທີ 18 ມັງກອນ 2024 ສະພາປະຊາຊົນແຂວງຫລວງນ້ຳທາ ນຳໂດຍທ່ານ ກົງເພັດ ແກ້ວບົວພາ ກຳມະການພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍຄະນະ ໄດ້ເຂົ້າອວຍພອນນາຍ ແລະ ພົນທະຫານ ຢູ່ທີ່ສະໂມສອນຂອງກອງບັນຊາການທະຫານແຂວງຫລວງນ້ຳທາ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນ ປະຕິວັດລາວ ຄົບຮອບ 75 ປີ( ວັນທີ 20 ມັງກອນ 1949 – 20 ມັງກອນ 2024 ) ທີ່ໝູນວຽນມາບັນຈົບຄົບຮອບອີກວາລະໜຶ່ງ

ໂອກາດນີ້ ທ່ານ ກົງເພັດ ແກ້ວບົວພາ ກຳມະການພັກແຂວງ ຮອງປະທານສະພາປະຊາຊົນແຂວງ ຕາງໜ້າໃຫ້ສະພາປະຊາຊົນແຂວງ ຂໍອວຍພອນໄຊອັນປະເສີດມາຍັງຄະນະພັກ – ຄະນະບັນຊາ, ນາຍ ແລະ ພົນທະຫານ ທຸກເຫຼົ່າ ທີ່ພວມປະຕິບັດໜ້າທີ່ຢູ່ເຂດຫ່າງໄກຕາມແນວຊາຍແດນເຂດທຸລະກັນດານປົກປັກຮັກສາເຂດນ້ຳແດນດິນອັນແສນຮັກຂອງປວງຊົນລາວທັງຊາດໃຫ້ມີຄວາມໝັ້ນຄົງ, ສັງຄົມມີຄວາມສະຫງົບຂໍໃຫ້ນາຍ ແລະ ພົນທະຫານທຸກທ່ານຈົ່ງມີສຸຂະພາບເຂັ້ມແຂງປະສົບຜົນສໍາເລັດໃນໜ້າທີ່ອັນມີກຽດຕະຫຼອດໄປ; 20 ມັງກອນ ຈົ່ງໝັ້ນຍື້ນຕະຫຼອດການ

ພ້ອມດຽວກັນນີ້ ທ່ານ ພົນຈັດຕະວາ ອິ່ນແກ້ວ ມະນີຈັນ ຄະນະປະຈຳພັກແຂວງ ເລຂາຄະນະພັກກອງບັນຊາການທະຫານແຂວງຫລວງນ້ຳທາ ສະໄດ້ແດງຄວາມຂອບໃຈຢ່າງລົ້ນເຫລືອມາຍັງ ຄະນະນຳຂອງສະພາປະຊາຊົນແຂວງ ທີ່ເຫັນຄໄດ້ຄວາມໝາຍສຳຄັນຂອງວຽກງານປ້ອງກັນຊາດ ເນື່ອງໃນໂອກາດວັນສຳຄັນອັນຍິ່ງໃຫ່ຍຂອງກອງທັບປະຊາຊົນລາວ ພ້ອມທັງຈະສືບຕໍ່ຊີ້ນຳ-ນຳພາ ການຈັດຕັ້ງປະຕິບັດວຽກງານປ້ອງກັນຊາດໃຫ້ເຂັ້ມແຂງ ແລະ ມີຜົນສຳເລັດເພື່ອປົກປັກຮັກສາເຂດນ້ຳແດນດິນຂອງປະເທດຊາດ ແລະ ສັງຄົມໃຫ້ມີຄວາມສະຫງົບປອດໄພ.