ໃນຕອນເຊົ້າຂອງວັນທີ 20 ກຸ່ມພາ 2023 ນີ້ທ່ານ ພົນຈັດຕະວາ ປະລີນຍາເອກ ວັນທອນ ສຸລິສັກ ຮອງຫົວໜ້າກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 3 ແຂວງຫຼວງນໍ້າທາ ພ້ອມດ້ວຍຄະນະ ໄດ້ລົງເຜີຍແຜ່ຜົນສໍາເລັດກອງປະຊຸມສະໄໝສາມັນເທືອທີ 4 ຂອງສະພາແຫ່ງຊາດຊຸດທີ 9 ແລະ ສະພາປະຊາຊົນແຂວງ ຊຸດທີ 2 ຢູ່ສະໂມສອນຂອງເມືອງສີງ ແຂວງຫຼວງນໍ້າທາ ເປັນກຽດເຂົ້າຮ່ວມ ຂອງທ່ານ ປະລີນຍາເອກ ຈັນພິພັກ ກອງຈໍາປາ ກໍາມະການພັກແຂວງ ເລຂາພັກເມືອງເຈົ້າເມືອງໆສີງ, ມີກໍາມະການປະຈໍາພັກເມືອງ, ກໍາມະການພັກເມືອງ, ສະມາຊິກສະພາປະຊາແຂວງ, ຫົວໜ້າຫ້ອງ-ຮອງຫ້ອງການ,2 ກອງບັນຊາການ ປກຊ ປກສ, ອາດິດການນໍາຂອງເມືອງ, ເລຂາຄະນະພັກຮາກຖານກຸ່ມບ້ານ ຫົວໜ້າ-ຮອງໜ່ວຍງານ ແລະ ພະນັກງານວິຊາການເຂົ້າຮ່ວມ 300 ກວ່າຄົນ.
ທ່ານ ພົນຈັດຕະວາ ປະລີນຍາເອກ ວັນທອນ ສຸລິສັກ ຮອງຫົວໜ້າກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 3 ໄດ້ເຜີຍແຜ່ຜົນສໍາເລັດກອງປະຊຸມສະໄໝສາມັນເທືອທີ 4 ຂອງສະພາແຫ່ງຊາດຊຸດທີ 9 ເຊິ່ງກອງປະຊຸມໄດ້ພິຈາລະນາຮັບຮອງເອົາ 8 ບັນຫາສໍາຄັນຂອງຊາດຄື: ພິຈາລະນາ, ຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດປະຈຳປີ 2022 ; ພິຈາລະນາ, ຮັບຮອງເອົາມາດຕະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດປະຈໍາປີ 2023 ມີທັງໝົດ 12 ແຜນວຽກຈຸດສຸມ ແລະ 4 ມາດຕະການ ຕາມການສະເໜີຂອງ ລັດຖະບານ;ກອງປະຊຸມຍັງໄດ້ຮັບຮອງເອົາແຜນງົບປະມານແຫ່ງລັດ ແລະ ແຜນເງິນຕາ ປະຈຳປີ 2023 ຕາມການລາຍງານຂອງລັດຖະບານ ແລະ ການສະເໜີຂອງກອງປະຊຸມ; ພິຈາລະນາ, ຮັບຮອງເອົາບົດສະຫຼຸບການເຄື່ອນໄຫວວຽກງານ ປະຈຳປີ 2022 ຂອງອົງການກວດສອບແຫ່ງລັດ; 5 ພິຈາລະນາ, ຮັບຮອງເອົາບົດລາຍງານ ຂອງອົງການໄອຍະການປະຊາຊົນສູງສຸດ ກ່ຽວກັບການເຄື່ອນໄຫວວຽກງານ ປະຈຳປີ 2022; ພິຈາລະນາ, ຮັບຮອງເອົາບົດລາຍງານ ຂອງສານປະຊາຊົນສູງສຸດ ກ່ຽວກັບການເຄື່ອນໄຫວວຽກງານ ປະຈຳປີ 2022;ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານຂອງສະພາແຫ່ງຊາດ ປະຈຳປີ 2022 ແດລະ ທິດທາງແຜນການເຄື່ອນໄຫວວຽກງານ ປະຈຳປີ 2023 ຂອງສະພາແຫ່ງຊາດ; ພິຈາລະນາ, ຮັບຮອງເອົາການສ້າງ ແລະ ປັບປຸງກົດໝາຍ ຈໍານວນ 12 ສະບັບ, ກົດໝາຍສ້າງໃໝ່ 3 ສະບັບ ແລະ ກົດໝາຍປັບປຸງ 9 ສະບັບ
ພ້ອມດຽວກັນ ທ່ານ ຈັນທະສຸລິນ ໝັ້ນປະດິດ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ3 ປະທານຄະນະກຳມະການ ປກຊ- ປກສ ສະພາປະຊາຊົນແຂວງ; ກອງປະຊຸມຍັງໄດ້ຮັບຟັງການເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ4 ຂອງສະພາປະຊາຊົນແຂວງ ຊຶ່ງກອງປະຊຸມໄດ້ ພິຈາລະນາ, ຮັບຮອງເອົາ 6 ບັນຫາສໍາຄັນຂອງແຂວງຄື:ພິຈາລະນາ ຮັບຮອງເອົາບົດລາຍງານ ຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມປະຈໍາປີ 2022 ແລະພິຈາລະນາ ຮັບຮອງເອົາບົດລາຍງານ ຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມປະຈໍາປີ 2022; 2 ພິຈາລະນາ ຮັບຮອງເອົາບົດລາຍງານ ກ່ຽວກັບການຈັດຕັ້ງປະຕິບັດແຜນງົບປະມານ ປະຈໍາປີ 2022 ແລະ ແຜນງົບປະມານແຫ່ງລັດ ປະຈໍາປີ 2023 ຕາມການສະເໜີ ຂອງອົງການປົກຄອງແຂວງ;ພິຈາລະນາ ຮັບຮອງເອົາບົດລາຍງານການເຄື່ອນໄຫວວຽກງານ ອົງການກວດສອບປະຈໍາພາກເໜືອປະຈໍາປີ 2022 ແລະ ທິດທາງແຜນການເຄື່ອນໄຫວປະຈໍາປີ 2023; ກອງປະຊຸມໄດ້ຮັບຮອງເອົາຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2021; ພິຈາລະນາ ຮັບຮອງເອົາບົດລາຍງານ ການເຄື່ອນໄຫວວຽກງານ ປະຈໍາປີ 2022 ຂອງ ອົງການໄອຍະການປະຊາຊົນແຂວງ ແລະ ສານປະຊາຊົນແຂວງ; 5 ພິຈາລະນາ ຮັບຮອງເອົາບົດລາຍງານ ການຈັດຕັ້ງປະຕິບັດແຜນເຄື່ອນໄຫວວຽກງານ ປະຈໍາປີ 2022 ຂອງສະພາປະຊາຊົນແຂວງຫຼວງນໍ້າທາ ຊຸດທີ II;ພິຈາລະນາ ຮັບຮອງເອົາຂໍ້ຕົກລົງຂອງທ່ານເຈົ້າແຂວງ ຈໍານວນ 3 ສະບັບຄື: ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ແຂວງຫຼວງນ້າທາ; ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການພັດທະນາເຂດອຸດສາຫະກໍາ ແລະ ນິຄົມອຸດສາຫະກໍາ ແລະ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງວຽກງານໄປສະນີ ພາຍໃນແຂວງຫຼວງນໍ້າທາ; ນອກນັ້ນ ຜູ້ແທນກອງປະຊຸມຍັງໄດ້ສະເໜີບັນຫາທີ່ພົບຄວາມຫຍຸ້ງຍາກພາຍໃນແຂວງ, ເມືອງ ແລະ ບ້ານຢ່າງເປັນຂະບວນຟົດຟື້ນ ເພື່ອໃຫ້ຂັ້ນເທີງ ແລະ ພາກສ່ວນກ່ຽວຂ້ອງຄົ້ນຄວ້າແກ້ໄຂຕາມຄວາມເໝາະສົມ ແລະ ທວງທັນກັບເວລາ.
ຕອນແລງຂອງວັນດຽວກັນ ທ່ານ ພົນຈັດຕະວາ ປະລີນຍາເອກ ວັນທອນ ສຸລິສັກ ຮອງຫົວໜ້າກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 3 ແຂວງຫຼວງນໍ້າທາ ພ້ອມດ້ວຍຄະນະ ໄດ້ເຜີຍແຜ່ຜົນສໍາເລັດກອງປະຊຸມສະໄໝສາມັນເທືອທີ 4 ຂອງສະພາແຫ່ງຊາດຊຸດທີ 9 ແລະ ສະພາປະຊາຊົນແຂວງ ຊຸດທີ 2 ຢູ່ທີ່ສະໂມສອນຂອງກອງພັນ419 ເມືອງສີງ ແຂວງຫລວງນ້ຳທາ ມີນາຍ ແລະ ພົນມະຫານເຂົ້າຮ່ວມຮັບຟັງຢ່າງພ້ອມພຽງ; ໂອກາດລົງຢ້ຽມຢາມ ແລະ ເຜີຍແຜ່ຜົນສຳເລັດຂອງກອງປະຊຸມນີ້ ຍັງໄດ້ນຳເອົາເຄື່ອງອຸປະກອນອອກແຮງງານ ແລະ ເຄື່ອງປຸງແຕ່ງອາຫານມອບໃຫ້ ກອງພັນ 419 ເມືອງສີງ ແຂວງຫລວງນ້ຳທາ ເພື່ອໝູນໃຊ້ເຂົ້າໃນກົມກອງໃຫ້ເກີດປະໂຫຍດສູງສຸດ.
