ຕອນເຊົ້າຂອງວັນທີ 07 ມີນາ 2022 ນີ້ສະພາປະຊາຊົນແຂວງຫລວງນ້ຳທາໄດ້ຮັບເງິນຊ່ວຍເຫລືອຈາກ ບໍລິສັດ ຈະເລີນ ຍິ່່ງຈະເລີນ ຈຳກັດ ຈຳນວນ 10.000.000 ກີບ ໂດຍການໃຫ້ກຽດມອບຂອງ ທ່ານ ແສງຍົງ ວົງຈັນຄຳ ທີ່ປືກສາ ບໍລິສັດ ຈະເລີນ ຍິ່ງຈະເລີນ ຈຳກັດ, ໃຫ້ກຽດຮັບໂດຍທ່ານ ປອ ໄຊສົງຄາມ ພີມມະສອນ ຮອງເລຂາທິການສະພາປະຊາຊົນແຂວງ ມີບັນດາທ່ານຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານວິຊາການເຂົ້າຮ່ວມ ໃນໂອກາດນີ້ ທ່ານ ປອ ໄຊສົງຄາມ ພີມມະສອນ ຮອງເລຂາທິການສະພາປະຊາຊົນແຂວງ ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງບໍລິສັດດັ່ງກ່າວທີ່ໄດ້ໃຫ້ການຊ່ວຍເຫລືອໃນຄັ້ງນີ້ ແລະ ຈະນຳໃຊ້ເງິນຈຳນວນດັ່ງກ່າວເຂົ້າໃນວຽກງານຕົວຈິງໃຫ້ໄດ້ຮັບປະໂຫຍດສູງສຸດ

ແລະ ໃນໂອກາດດັ່ງກ່າວ  ສະພາປະຊາຊົນແຂວງຫລວງນໍ້າທາ ໄດ້ມອບໃບຊົມເຊີຍຂອງປະທານສະພາປະຊາຊົນແຂວງຫລວງນໍ້າທາ ໃຫ້ບໍລິສັດ ຈະເລີນ ຍິ່ງຈະເລີນ ຈຳກັດ.

ຂຽນໂດຍ ນາງ ອຳພອນ ສີປະເສີດ