ໃນຕອນແລງ ວັນທີ 09 ທັນວາ 2022 ທີ່ເດີນບານຫຍ້າທຽມພູເບຍ ແຂວງຄໍາມ່ວນ ສະພາປະຊາຊົນແຂວງສະຫວັນນະເຂດ ຮ່ວມກັບ ສະພາປະຊາຊົນແຂວງຄຳມ່ວນ ໄດ້ຈັດຂະບວນການແຂ່ງຂັນກິລາບານເຕະມິດຕະພາບຊາຍ ເພື່ອເປັນການຂໍ່ານັບຮັບຕ້ອນວັນຊາດທີ 02 ທັນວາ ຄົບຮອບ 47 ປີ ( 02/12/1975- 02/12/2022 ) ແລະ ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 102 ປີ (13 /12/ 1920-13/12/2022 ) ພ້ອມທັງເປັນການຮັດແໜ້ນຄວາມສາມັກຄີ ຮັກແພງໃນຖັນແຖວພະນັກງານ-ລັດຖະກອນ ຂອງສະພາປະຊາຊົນແຂວງທັງສອງແຂວງ ໂດຍການເຂົ້າຮ່ວມຂອງທ່ານ ບົວພັນ ແສງຈັນ ກໍາມະການພັກແຂວງ ຮອງປະທານສະພາປະຊາຊົນແຂວງຄຳມ່ວນ, ທ່ານ ບົວລົມ ອິນທີທະວົງ ຮອງເລຂາທິການສະພາປະຊາຊົນແຂວງສະຫວັນນະເຂດ,ຄະນະເລຂາທິການ ຫົວໜ້າ-ຮອງຫົວໜ້າຂະແໜງ ຕະຫຼອດຮອດພະນັກງານ-ລັດຖະກອນ ສະພາປະຊາຊົນແຂວງທັງສອງແຂວງຮ່ວມຢ່າງເປັນຂະບວນຟົດຟື້ນ.
ນອກຈາກນີ້ ທາງສະພາປະຊາຊົນແຂວງສະຫວັນນະເຂດ ຍັງໄດ້ມອບເຄື່ອງກິລາຈຳນວນ 53 ຊຸດ ໃຫ້ສະພາປະຊາຊົນແຂວງຄຳມ່ວນ ເພື່ອນຳໃຊ້ເຂົ້າໃນການແຂ່ງຂັນກິລາໃນຄັ້ງນີ້ ມອບໂດຍທ່ານ ບົວລົມ ອິນທີທະວົງ ຮອງເລຂາທິການສະພາປະຊາຊົນແຂວງສະຫວັນນະເຂດ ຕາງໜ້າຮັບໂດຍທ່ານບົວພັນ ແສງຈັນ ກໍາມະການພັກແຂວງ ຮອງປະທານສະພາປະຊາຊົນແຂວງຄຳມ່ວນ.
