ໃນຕອນເຊົ້າ ຂອງວັນທີ 7 ມິຖຸນາ 2024 ຢູ່ທີ່ຫ້ອງປະຊຸມສະພາປະຊາຊົນແຂວງວຽງຈັນ ໄດ້ຈັດພິທີປາຖະກະຖາ 3 ວັນປະຫັວດສາດສໍາຄັນ ຂອງພັກ-ຂອງຊາດ ຄື: ວັນຜ່າວົງປິດລ້ອມຂອງກອງພັນທີ 2 ວິລະຊົນ ທີ່ທົ່ງໄຫຫີນ ຊຽງຂວາງ ຄົບຮອບ 65 ປີ, ວັນວິລະກໍາໂຕນຄຸກຢ່າງມະຫດັສະຈັນຂອງບັນດາຜູ້ນໍາຂອງພັກ ແລະ ແນວລາວສ້າງຊາດ ຄົບຮອບ 64 ປີ ແລະ ວັນໄຊຊະນະບັ້ນຮົມດຽນບຽນຟູ ຄົບຮອບ 70 ປີ; ໃຫ້ກຽດຂຶ້ນປາຖະກາຖາວັນສໍາຄັນດັ່ງກ່າວ ໂດຍທ່ານ ບຸນສອນ ເພັດລາວັນ ຮອງເລຂາພັກແຂວງ, ປະທານສະພາປະຊາຊົນແຂວງວຽງຈັນ, ເຂົ້າຮ່ວມຮັບຟັງມີ ຄະນະກໍາມາການ, ຄະນະເລຂາທິການ, ຫົວໜ້າຂະແໜງ-ຮອງຂະແໜງ ຕະຫຼອດຮອດພະນັກງານວິຊາການ ພາຍໃນສະພາປະຊາຊົນແຂວງວຽງຈັນ ເຂົ້າຮ່ວມຢ່າງພ້ອມພຽງ.

ໃນການປາຖະກະຖາ 3 ວັນປະຫວັດສາດດັ່ງກ່າວ ກໍ່ເພື່ອເປັນການທົບທວນຄືນມູນເຊື້ອການຕໍ່ສູ້ພິລາດອາດຫານ, ມູນເຊື້ອອັນສະຫງ່າອົງອາດ, ນໍ້າໃຈເສຍສະຫຼະເລືອດເນື້ອຕໍ່ສູ້ກູ້ຊາດ ຂອງກອງທັບ ແລະ ປະຊາຊົນລາວບັນດາເຜົ່າ ໂດຍສະເພາະແມ່ນກອງພັນທີ 2 ທີ່ຜ່າວົງປິດລອ້ມຂອງສັດຕູ້ ກັບຄືນສູ່ເຂດທີໜັ້ນ, ຍົກໃຫ້ເຫັນການຊີ້ນໍາ-ນໍາພາ ທີ່ສະຫຼາດສ່ອງໃສ ແລະ ປີຊາສາມາດຂອງປະທານ ໄກ່ສອນ ພົມວິຫານ ແລະ ສູນກາງພັກ ໃນພາລະກິດນໍາເອົາຜູ້ນໍາພັກ ແລະ ແນວລາວຮັກຊາດ ອອກຈາກຄຸກ; ພ້ອມດຽວກັນນັ້ນ ຍັງໄດ້ພ້ອມກັນຫວນຄືນ ເຖິງວັນໄຊຊະນະບັ້ນຮົບດຽນບຽນຟູ ເຊິ່ງປີນີ້ກໍໝູນວຽນມາບັນຈົບຄົບຮອບ 70 ປີ. ເມື່ອທົບທວນຫວນຄືນປະຫວັດສາດ ໃນໄລຍະຜ່ານມາ ໄດ້ມີຄວາມສາມັກຄີຮ່ວມສໍາພັນສູ້ຮົບ ລະຫວ່າງ 3 ຊາດອິນດູຈີນ ຄື: ລາວ-ຫວຽດນາມ ແລະ ກໍາປູເຈຍ ໂດຍສະເພາະ ລາວ ແລະ ຫວຽດນາມ ທີ່ມີສາຍພົວພັນອັນຍາວນານ ແລະ ໄດ້ໃຫ້ການຊ່ວຍເຫຼືອເຊິ່ງກັນ ແລະ ກັນແຕ່ໃດໆມາ ທັງນີ້ກໍເພື່ອໃຫ້ບັນດາສະມາຊິກພັກ, ພະນັກງານ ໄດ້ຮັບຮູ້ເຖິງຄວາມສາມັກຄີຮ່ວມສໍາພັນສູ້ຮົບຂອງປະຊາຊົນ 3 ຊາດອິນດູຈີນ ໃນການຕໍ່ສູ້ຕ້ານພວກລ່າເມືອງຂຶ້ນຝຣັ່ງຜູ້ຮຸກຮານ.