ໃນຕອນເຊົ້າຂອງວັນທີ 1 ສີງຫາ 2023 ສະພາປະຊາຊົນແຂວງວຽງຈັນ ໄດ້ເປີດກອງປະຊຸມ ສ້າງຄວາມເປັນເອກະພາບໃນການກະກຽມບັນດາເນື້ອໃນເພື່ອນໍາເຂົ້າໃນກອງປະຊຸມສະໄໜສາມັນເທື່ອທີ 5 ຂອງສະພາປະຊາຊົນແຂວງວຽງຈັນ ຊຸດທີ II ໂດຍການເປັນປະທານ ຂອງທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ, ເຂົ້າຮ່ວມມີ ຮອງປະທານສະພາປະຊາຊົນແຂວງ, ຄະນະກໍາມະການ, ຮອງເລຂາທິການ, ພະແນກການກ່ຽວຂ້ອງແຂວງ, ຫົວໜ້າຂະແໜງ-ຮອງຂະແໜງ ຕະຫຼອດຮອດພະນັກງານພາຍໃນອານຸຊ່ວຍວຽກທີ່ກ່ຽວຂ້ອງເຂົ້າຮ່ວມ.

    ຈຸດປະສົ່ງເພື່ອສ້າງຄວາມເປັນເອກະພາບທາງດ້ານເນື້ອໃນທີ່ຈະນໍາເຂົ້າພິຈາລະນາໃນກອງປະຊຸມສະ  ໄໜສາມັນເທື່ອທີ 5 ຂອງສະພາປະຊາຊົນແຂວງວຽງຈັນ ຊຸດທີ II ພ້ອມດຽວກັນນັ້ນກອງປະຊຸມຍັງໄດ້ແລກປ່ຽນຄໍາຄິດຄໍາເຫັນສ້າງຄວາມເປັນເອກະພາບໃນການກໍານົດເນື້ອໃນໃຫ້ທັນກັບກໍານົດເວລາ.

(ພາບ-ຂ່າວ ບູລາຕີ ແສນທະວົງ)