ໃນວັນທີ 13 ມິຖຸນາ 2023 ສະພາປະຊາຊົນແຂວງ ໄດ້ຈັດພິທີປາຖະກະຖາ 2 ວັນປະຫັວດສາດສໍາຄັນຄື: ວັນຜ່າວົງປິດລ້ອມຂອງກອງພັນທີ 2 ວິລະຊົນ ທີ່ທົ່ງໄຫຫີນ ຊຽງຂວາງ ຄົບຮອບ 64 ປີ (18 /05 /1959 – 18 /05/ 2023) ແລະ ວິລະກໍາໂຕນຄຸກຢ່າງມະຫດັສະຈັນຂອງບັນດາຜູ້ນໍາຂອງພັກ ແລະ ແນວລາວສ້າງຊາດ ຄົບຮອບ 63 ປີ (24 /05/ 1960 – 24/ 05 /2023) ໂດຍການເປັນປະທານຮ່ວມຂອງ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ  ແລະ ທ່ານ ລໍາໄມ ກູດລາວົງ ຮອງປະທ່ານສະພາປະຊາຊົນແຂວງວຽງຈັນ ເຂົ້າຮ່ວມມີ ຄະນະກໍາມາການ,ຮອງເລຂາທິການ, ຫົວໜ້າຂະແໜງ-ຮອງຂະແໜງ ສະມາຊິກພັກ, ພະນັກງານພາຍໃນສະພາປະຊາຊົນແຂວງວຽງຈັນເຂົ້າຮ່ວມຢ່າງພ້ອມພຽງ.

ຈຸດປະສົງການຈັດຕັ້ງເຊືອມຊຶມ ແລະ ທົບທວນຄືນມູນເຊື້ອການຕໍ່ສູ້ພິລາດອາດຫານ, ມູນເຊື້ອອັນສະຫງ່າອົງອາດ, ນໍ້າໃຈເສຍສະຫຼະເລືອດເນື້ອຕໍ່ສູ້ກູ້ຊາດ ຂອງກອງທັບ ແລະ ປະຊາຊົນລາວບັນດາເຜົ່າ ໂດຍສະເພາະແມ່ນກອງພັນທີ 2 ທີ່ຜ່າວົງປິດລອ້ມຂອງສັດຕູ້ ກັບຄືນສູ່ເຂດທີໜັ້ນ ແລະ ລະນຶກວັນວິລະກໍາໂຕນຄຸກຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວສ້າງຊາດ ຄົບຮອບ 63 ປີ  ເພື່ອເສີມຂະຫຍາຍມູນເຊື້ອນໍ້າໃຈຮັກຊາດ, ເພີມທະວີຄວາມຮັບຜິດຊອບໃນການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ XI ຂອງພັກ ແລະ ມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງ ໃຫ້ປະກົດຜົນເປັນຈິ່ງໃນຕໍ່ໜ້າ, ທັງເປັນການໂຄສະນາສຶກສາ-ອົບຮົມ, ຮໍ່າຮຽນເອົາມູນເຊື້ອ, ສ້າງຄວາມຮັບຮູ້ແນວຄິດ ແລະ ການກະທໍາ, ສ້າງຄວາມເຊື້ອໜັ້ນຂອງພະນັກງານ-ສະມາຊິກພັກພາຍໃນອົງການຕໍ່ການນໍາພາຂອງພັກ ເພີມທະວີຄວາມຮັບຜິດຊອບປະກອບສວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ກໍ່ຄືແຂວງວຽງຈັນຂອງພວກເຮົາກ້າວຂື້ນສູ່ຄວາມສີວິໄລ.