ເພື່ອເປັນການຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ບັນດາເນື້ອໃນສຳຄັນຕ່າງໆ ທີ່ລັດຖະບານສະ ເໜີຕໍ່ກອງປະຊຸມສະພາແຫ່ງຊາດ ໃຫ້ຜູ້ມີສິດເລືອກຕັ້ງໄດ້ຮັບຮູ້ ແລະ ເຂົ້າໃຈ ທັງເປັນການລົງພົບປະຜູ້ມີສິດເລືອກຕັ້ງ ເພື່ອເປັນການລົງເກັບກຳຄຳຄິດເຫັນ ຕໍ່ວຽກງານການຄຸ້ມຄອງບໍລິຫານລັດ ດັ່ງນັ້ນ,ມາໃນວັນທີ 27 ຫາ 28 ກຸມພາ 2023 ນີ້, ທ່ານ ຄໍາຜັນ ຄູນສະຫວັນ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງ ຮອງປະທານຄະນະສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 13 ແຂວງສະຫວັນນະເຂດ, ທ່ານ ນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ ເມືອງຈໍາພອນ ແລະ ທ່ານ ດວງຈັນ ວຽງວິໄລ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງຈໍາພອນ ໄດ້ລົງເຄື່ອນໄຫວພົບປະເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 04 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ II ຢູ່ເມືອງຈໍາພອນ ໂດຍການຕ້ອນຮັບຂອງທ່ານ ປອ ພູລໍາພອນ ສີຫາວົງ ກໍາມະການພັກແຂວງ ເລຂາພັກເມືອງ ເຈົ້າເມືອງ ຈໍາພອນ ພ້ອມທັງກໍາມະການພັກເມືອງ,ຫົວໜ້າ-ຮອງຫົວໜ້າຫ້ອງການ, ກໍາລັງປກສ-ປກຊ , ພະນັກງານ-ລັດຖະກອນ, ອຳນາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນພາຍໃນເມືອງຈໍາພອນເຂົ້າຮ່ວມຢ່າງພ້ອມພຽງ.
ການລົງເຄື່ອນໄຫວພົບປະເຜີຍແຜ່ຂອງບັນດາທ່ານ ສສຊ ແລະ ສສຂໃນຄັ້ງນີ້ແມ່ນໄດ້ລົງຢູ່ 04 ຈຸດຄື: ຈຸດທີ01 ກຸ່ມບ້ານທີ 05 ບ້ານ ກະດານ, ຈຸດທີ 02 ຢູ່ສະໂມສອນເມືອງ, ຈຸດທີ 03 ບ້ານ ນາຄູ ແລະ ຈຸດທີ 04 ບ້ານ ໜອງໄຮ ຊຶ່ງໃນແຕ່ລະຈຸດທີ່ລົງບັນດາທ່ານ ສສຊ ແລະ ສສຂ ກໍ່ໄດ້ຮັບຟັງການລາຍງານ ການຈັດຕັ້ງປະຕິບັດວຽກງານການຊີ້ນໍາ-ນຳພາວຽກງານຂອງອຳານາດການປົກທັງສາມບ້ານ, ພ້ອມທັງການລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງຈຳພອນໂດຍຫໍ້ຍ, ຈາກນັ້ນ ບັນດາທ່ານ ສສຊ, ສສຂ ກໍ່ໄດ້ຜັດປ່ຽນກັນເຜີຍແຜ່ເນື້ອໃນຜົນສຳເລັດຂອງກອງປະຊຸມສະໄໝສາມັນ ເທື່ອທີ 04 ຂອງສະພາແຫ່ງຊາດ ຊຸດທີ IX ແລະສະພາປະຊາຊົນແຂວງຊຸດທີ II ໃຫ້ປະຊາຊົນຜູ້ມີສິດເລືອກຕັ້ງໄດ້ຮັບຮູ້ ພາຍຫຼັງທີ່ບັນດາທານ ສສຊ, ສສຂ ໄດ້ເຜີຍແຜ່ຜົນສຳເລັດດັ່ງກ່າວແລ້ວ ຍັງໄດ້ເປີດໂອກາດໃຫ້ພໍ່ແມ່ປະຊົນ ໄດ້ຊັກຖາມ ແລະ ມີຄຳສະເໜີໂດຍສະເພາະແມ່ນບັນຫາການພັດທະນາພື້ນຖານໂຄງລ່າງໃນນັ້ນການກໍ່ສ້າງເສັ້ນທາງ,
ການແກ້ໄຂບັນຫາຢາເສບຕິດ,ບັກຫາຄູອາສາສະໝັກ ແລະ ລະບົບຊົນລະປະທານເໝືອງຝາຍທີ່ຈະນໍາໃຊ້ເຂົ້າໃນການຜະລິດຂອງພໍ່ແມ່ປະຊາຊົນເພື່ອເປັນການແກ້ໄຂຊິວິດການເປັນຢູ່ຂອງປະຊາຊົນໃຫ້ດີຂຶ້ນ,ພ້ອມນັ້ນ ສສຊ ແລະ ສສຂ ກໍ່ຍັງໄດ້ມີຄໍາເຫັນຫຼາຍດ້ານຕໍ່ກັບການການພັດທະນາພື້ນຖານໂຄງລ່າງ,ການພັດທະນາທາງດ້ານເສດຖະກິດ, ການ
ແກ້ໄຂບັນຫາ ທາງດ້ານຢາເສບຕິດໂດຍຕິດພັນກັບການແກ້ໄຂ 02 ວາລະແຫ່ງຊາດ ຂອງລັດຖະບານເພື່ອແນໃສ່ໃຫ້ ບັນລຸໄດ້ຕາມລະດັບຄາດໝາຍ ທີ່ພັກ-ລັດວາງໄວ້.ພ້ອມນັ້ນ ກໍຍັງໄດ້ຕອບບັນຫາການຊັກຖາມຂອງ ພໍ່ແມ່ປະຊາຊົນເພື່ອໃຫ້ຮັບຮູ້ ແລະ ເຂົ້າໃຈເຖິງບັນຫາຕ່າງໆຕໍ່ກັບສະພາບການອັນລວມຕໍ່ກັບການພັດທະນາ ຂອງປະເທດເຮົາໃນໄລຍະ
ປະຈຸບັນພ້ອມທັງຮັບເອົາຄຳສະເໜີຂອງອຳນາດການຄອງບ້ານ ແລະ ພໍ່ແມ່ປະຊາຊົນໄປນຳສະເໜີ ຕໍ່ຂະແໜງການກ່ຽວຂ້ອງ,ເພື່ອນຳໄປປຶກສາຫາລື ແລະ ຄົ້ນຄວ້າແກ້ໄຂໃນຂັ້ນຕໍ່ໄປ