ລະຫວ່າງ ວັນທີ 21-24 ກຸມພາ 2024 ນີ້, ນຳໂດຍ ທ່ານ ວີເຕັ່ງ ຈື່ໄມເຕັ່ງ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ ເມືອງຊ່ອນ ແລະ ທ່ານ ນາງ ມານີວັນ ວັງລາວົງ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ ເມືອງຊ່ອນ ພ້ອມດ້ວຍທີມງານ ລົງພົບປະປະຊາຊົນ, ເຜີຍແຜ່ຜົນສຳເລັດກອງປະຊຸມ ສະໄໝສາມັນ ເທື່ອທີ 6 ຂອງສະພາປະຊາຊົນ ແຂວງຫົວພັນ ຊຸດທີ II ເປັນຕົ້ນແມ່ນ ບັນດາ ມະຕິ ຕ່າງໆ ທີ່ກອງປະຊຸມໄດ້ຮັບຮອງເອົານັ້ນ ໃຫ້ຜູ້ມີສິດເລືອກຕັ້ງ ໄດ້ຮັບຮູ້, ເຂົ້າໃຈ ຕໍ່ເນື້ອໃນຜົນສຳເລັດດັ່ງກ່າວ ເຊິ່ງເຄື່ອນໄຫວໄດ້ທັງໝົດ 4 ຈຸດຄື: ບ້ານຫ້ວຍບານ, ບ້ານຫ້ວຍສູ້, ບ້ານສາມສຸມ ແລະ ບ້ານໂງ່ນ ມີພໍ່ແມ່ປະຊາຊົນບັນດາເຜົ່າ ເຂົ້າຮ່ວມ ທັງໝົດ 205 ທ່ານ , ຍິງ 85 ທ່ານ.

            ໂອກາດການເຄື່ອນໄຫວຄັ້ງນີ້, ທ່ານຍັງໄດ້ນຳເອົາເຄື່ອງນຸ່ງຫົ່ມຈຳນວນໜຶ່ງ ລວມມູນຄ່າທັງໝົດ 1,500,000 ກີບ ( ໜຶ່ງລ້ານຫ້າແສນກີບ) ມອບໃຫ້ປະຊາຊົນຜູ້ທຸກຍາກ ຢູ່ແຕ່ລະບ້ານອີກດ້ວຍ.

ຂ່າວໂດຍ ນັກຂ່າວ ສພຂ.