ເພື່ອຮັບປະກັນດ້ານເນື້ອໃນຂອງຮ່າງກົດໝາຍ ວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສານປະຊາຊົນ, ກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍນໍ້າ ແລະ ຊັບພະຍາກອນນໍ້າ, ກົດໝາຍວ່າດ້ວຍການຄຸ້ມຄອງເງີນຕາຕ່າງປະເທດ (ສະບັບປັບປຸງ), ກົດໝາຍວ່າດ້ວຍການຄຸ້ມຄອງອາວຸດ ແລະ ວັດຖຸລະເບີດ ແລະ ກົດໝາຍວ່າດ້ວຍການສົ່ງເສີມຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ສະບັບປັບປຸງ). ໃຫ້ມີເນື້ອໃນຄົບຖ້ວນ, ຮັກກຸມ ແລະ ໃຫ້ສອດຄ່ອງກັບສະພາບການຂະຫຍາຍຕົວຂອງເສດຖະກິດ-ສັງຄົມ ຕົວຈິງໃນປະຈຸບັນ. ເພື່ອເປັນຂໍ້ມູນລາຍງານຕໍ່ສະພາແຫ່ງຊາດ ກ່ອນທີ່ຈະນຳເຂົ້າພິຈາລະນາຮັບຮອງເອົາໃນກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX.

ກອງປະຊຸມທາບທາມໄດ້ຈັດຂື້ນໃນຕອນເຊົ້າຂອງວັນທີ 18 ພຶດສະພາ 2022 ນີ້. ທີ່ຫ້ອງປະຊຸມສະພາປະຊາຊົນແຂວງ (ສພຂ) ເພື່ອທາບທາມ ປະກອບຄໍາຄິດຄຳເຫັນ ໃສ່ບາງມາດຕາຂອງຮ່າງ ກົດໝາຍ 5 ສະບັບດັ່ງກ່າວ. ພາຍໃຕ້ການເປັນປະທານຂອງທ່ານ ນາງ ມີນາພອນ ໄຊສົມພູ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 17 ແຂວງອັດຕະປື, ປະທານ ສພຂ. ມີບັນດາທ່ານ ຄະນະປະຈໍາ ສພຂ, ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 17, ສະມາຊິກສະພາປະຊາຊົນແຂວງ, ຕາງໜ້າຈາກພະແນກການທີ່ກ່ຽວຂ້ອງ ແລະ ພະນັກງານ-ວີຊາການເຂົ້າຮ່ວມ.

(ວິນັດ ສີສຸລາດ)