ຕອນແລງ ວັນທີ 19 ມັງກອນ 2023 ນີ້ ທ່ານ ສົມສັກ ດອນຈານິດ ກໍາມະການພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍທີມງານ ຕາງໜ້າໃຫ້ການນໍາ ແລະ ພະນັກງານ ສະພາປະຊົນແຂວງ ໄດ້ນໍາເອົາກະຕ່າຂອງຂວັນ ພ້ອມຄໍາອວຍພອນໄຊອັນປະເສີດ ເຂົ້າອວຍພອນຄະນະພັກ-ຄະນະບັນຊາ, ພະນັກງານນັກຮົບ ທົ່ວກອງບັນຊາການທະຫານ ແຂວງຫົວພັນ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ, ໂດຍເປັນກຽດຕ້ອນຮັບຂອງ ທ່ານ ພັອ ພັນສີ ຊ່ອນມີໄຊ ຮອງເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງ ພ້ອມດ້ວຍຄະນະຕ້ອນຮັບດ້ວຍຄວາມອົບອຸ່ນ.
ໃນໂອກາດທີ່ມີຄວາມໝາຍສໍາຄັນ ນີ້ ທ່ານຫົວໜ້າການເມືອງກອງບັນຊາການທະຫານແຂວງ ກໍ່ໄດ້ກ່າວສະແດງຄວາມຂອບອົກຂອບໃຈຕໍ່ຄະນະພັກ-ຄະນະນໍາ ແລະ ພະນັກງານ-ລັດຖະກອນ ສະພາປະຊາຊົນຂວງ ທີ່ນໍາເອົາກະຕ່າຂອງຂວັນ ແລະ ຄວາມຢື້ຢາມຖາມຂ່າວອັນອົບອຸ່ນທີ່ເຕັມໄປດ້ວຍຄວາມສາມັກຄີຮັກແພງ ອັນສະນິດສະໜົມມາຝາກມາຕ້ອນ ແລະ ຊຸກຍູ້ຈິດໃຈພະນັກງານນັກຮົບ ກອງບັນຊາການ.