ຕອນເຊົ້າວັນທີ 2 ພະຈິກ 2023 ນີ້ ສະພາປະຊາຊົນ ແຂວງຫົວພັນ ຕ້ອນຮັບການມາທັດສະນະສຶກສາ ຂອງຄະນະນຳ ຄູ-ອານຈານ ແລະ ນັກສຶກສາທິດສະດີການເມືອງ ແລະ ການປົກຄອງລະບົບຂັ້ນກາງ ຮຸ່ນທີ I ແຂວງຫົວພັນ ນຳຂະບວນໂດຍທ່ານ ປທ ພູແສງ ໄຊນີຈັນ ຮອງອຳນວຍການ ໂຮງຮຽນການເມືອງ ແລະ ການປົກຄອງແຂວງ ໂດຍການຕ້ອນຮັບ ຂອງ ທ່ານ ປອ ສົມສັກ ຈັນມາລີ ຄະນະປະຈຳສະພາປະຊາຊົນແຂວງ ພ້ອມພະນັກງານ ໃຫ້ການຕ້ອນຮັບ; ທ່ານ ປທ ພູແສງ ໄຊນີຈັນ ກ່າວຈຸດປະສົງ ຂອງການມາທັດສະນະສຶກສາ ແລະ ລາຍງານ

             ສະພາບການຮຽນການສອນ ຂອງໂຮງຮຽນໃນໄລຍະຜ່ານມາ ການມາທັດສະນະສຶກສາໃນຄັ້ງນີ້ ນັກສຶກສາ ໄດ້ຮັບຟັງ ການອະທິບາຍ ຈາກ ທ່ານ ປອ ສົມສັກ ຈັນມາລີ ກ່ຽວກັບ ທີ່ຕັ້ງ, ພາລະບົດບາດ, ສິດ ແລະ ໜ້າທີ່, ລະບົບກົງຈັກ ແລະ ບຸກຄະລາກອນ ຂອງສະພາປະຊາຊົນ ແຂວງຫົວພັນ ໃຫ້ນັກສຶກສາ ຮັບຮູ້ ເຂົ້າໃຈ ເຖີງພາລະບົດບາດຄວາມສຳຄັນ, ຂັ້ນຕອນ ແລະ ລະບົບແບບແຜນວິທີເຮັດວຽກຂອງສະພາປະຊາຊົນແຂວງ ພ້ອມນັ້ນ, ກໍໄດ້ມີການຖາມ-ຕອບ ແລະ ສົນທະນາແລກປ່ຽນໃນຈຸດທີ່ນັກສຶກສາໃຫ້ຄວາມສົນໃຈຕໍ່ວຽກງານ ຂອງສະພາ ເພື່ອໃຫ້ນັກສຶກສານຳໄປ ເປັນຂໍ້ມູນ ຄວາມຮູ້ໃນການຄົ້ນຄວ້າ ກ່ຽວກັບວຽກງານ ຂອງອົງການນິຕິບັນຍັດ ກໍຄືວຽກຂອງສະພາຕື່ມອີກ .

ພາບ ແລະ ຂ່າວ ສພຂ ແຂວງຫົວພັນ