ວັນທີ 14 ທັນວາ 2022 ນີ້, ໜ່ວຍພັກສະພາປະຊາຊົນ ແຂວງຫົວພັນ ໄດ້ຈັດກອງປະຊຸມ ປະເມີນຜົນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ຂຶ້ນ ທີ່ຫ້ອງປະຊຸມ ສະພາປະຊາຊົນແຂວງ ໂດຍພາຍໃຕ້ການເປັນປະທານຂອງ ສະຫາຍ ສົມສັກ ດອນຈານິດ ກຳມະການພັກແຂວງ, ເລຂາໜ່ວຍພັກ, ຮອງປະທານ ສະພາປະຊາຊົນແຂວງ ເຂົ້າຮ່ວມມີຜູ້ຕາງໜ້າຈາກຄະນະຈັດຕັ້ງແຂວງ, ຄະນະກວດກາພັກ ແລະ ຄະນະໂຄສະນາອົບຮົມແຂວງ ຕະຫຼອດຮອດສະມາຊິກພັກສົມບູນ, ສຳຮອງ ພາຍໃນໜ່ວຍເຂົ້າຮ່ວມ.

ກອງປະຊຸມຄັ້ງນີ້ ໄດ້ເຊື່ອມຊຶມເອກະສານສໍາຄັນຄື ຄໍາສັ່ງເລກທີ 01/ກມສພ, ລົງວັນທີ 3/1/2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ແລະ ຄຳແນະນຳ ເລກທີ 291/ ຄຈສພ ລົງວັນທີ 26/4/2018 ກ່ຽວກັບການຈັດຕັ້ງປະຕິບັດຄໍາສັ່ງ ຂອງກົມການເມືອງສູນກາງພັກ ແລະ ຜ່ານບົດສະຫລຸບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ແລະ ທິດທາງແຜນການ ປີ 2023 ຂອງໜ່ວຍພັກສະພາປະຊາຊົນແຂວງຫົວພັນ. ພ້ອມນີ້ ຜູ້ເຂົ້້າຮ່ວມກອງປະຊຸມຍັງໄດ້ພ້ອມກັນປະກອບຄໍາເຫັນ ຢ່າງກົງໄປກົງມາ ໃສ່ບົດສະຫຼຸບ ແລະ ທິດທາງ ເພື່ອໃຫ້ມີເນື້ອໃນຄົບຖ້ວນສົມບູນ, ສາມາດຈັດຕັ້ງປະຕິບັດໄດ້ ຈາກນັ້ນ, ກອງປະຊຸມໄດ້ຈັດຕັ້ງການປະເມີນຜົນໜ່ວຍພັກ ແລະ ສະມາຊິກພາຍໃນພັກໜ່ວຍພັກ ເຊີ່ງມີສະມາຊິກພັກທັງໝົດ 31 ສະຫາຍ, ຍິງ 9 ສະຫາຍ, ປະເມີນຕົວຈິງມີ24 ສະຫາຍ, ຍິງ 8 ສະຫາຍ ຊຶ່ງແຕ່ລະສະຫາຍໄດ້ຜ່ານໃບສໍາຫຼວດຕົນເອງ ພ້ອມກັນຕີລາຄາປະເມີນຜົນ ຕາມ 5 ມາດຖານ ຂອງການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຜ່ານການ ປະເມີນໜ່ວຍພັກ, ສະມາຊິກພັກຄັ້ງນີ້ ໄດ້ປະເພດແຂງ 24 ສະຫາຍ ກາງ, ອ່ອນ ແມ່ນບໍມີ, ກອງປະຊຸມໄດ້ປະຊາມະຕິຮັບຮອງເອົາໜ່ວຍພັກຂອງຕົນ ເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ພ້ອມທັງສະເໜີຂັ້ນເທິງອອກໃບຢັ້ງຢືນຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2022.

               ໃນຕອນທ້າຍກອງປະຊຸມ ສະຫາຍສົມສັກ ດອນຈານິດ ໃນນາມຕາງໜ້າໃຫ້ຄະນະພັກຂັ້ນເທີງ ຍັງໄດ້ມີຄຳເຫັນໂອ້ລົມ ເຊຶ່ງກ່ອນອື່ນ, ສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ຂອງໜ່ວຍພັກ ກໍ່ຄືບັນດາສະຫາຍສະມາຊິກພັກພາຍໃນໜ່ວຍທີ່ຍາດມາໄດ້ ໃນໄລຍະ 1 ປີຜ່ານມາ ບົນພື້ນຖານຄວາມສາມັກຄີ ເປັນເອກະພາບ ຂອງສະມາຊິກພັກ ທີ່ພ້ອມກັນເຮັດສຳເລັດໜ້າທີ່ການເມືອງຂອງຕົນ, ພ້ອມນັ້ນ ສະຫາຍຍັງໄດ້ໃຫ້ທິດເຍືອງທາງ ໃນການຈັດຕັ້ງປະຕິບັດໃນຕໍ່ໜ້າ ເປັນຕົ້ນ ຕ້ອງໄດ້ສືບຕໍ່ ເປັນເຈົ້າການແກ້ໄຂບັນຫາທີ່ຍັງຄົງຄ້າງ, ເພີ່ມຄວາມຮັບຜິດຊອບຕໍ່ໜ້າທີ່ການເມືອງ ຂອງສະມາຊິກພັກໃຫ້ສູງຂຶ້ນ, ເອົາໃຈໃສ່ ເຕົ້າໂຮມຄວາມສາມັກຄີເປັນເອກະພາບພາຍໃນໜ່ວຍພັກ ໃຫ້ມີຄວາມໜັກແໜ້ນ, ຖືເອົາວຽກງານສຶກສາອົບຮົມການເມືອງແນວຄິດ ໃຫ້ແກ່ພະນັກງານ, ສະມາຊິກພັກ ເປັນບັນຫາສຳຄັນຕົ້ນຕໍ ເພື່ອເຮັດໃຫ້ເຂົາເຈົ້າມີແນວຄິດອຸ່ນອຽນທຸ່ນທ່ຽງ, ມີຄວາມບຸກບືນຕໍ່ໜ້າທີ່ວຽກງານ, ມີສະຕິຕໍ່ການຈັດຕັ້ງ, ສະກັດກັ້ນຕ້ານທຸກປາກົດການຫຍໍ້ທໍ້ຕ່າງໆ, ສິ່ງສຳຄັນຢ່າງໜຶ່ງຕ້ອງເປັນແບບຢ່າງນຳໜ້າໃນທຸກຂະບວນການວຽກງານ ສືບຕໍ່ປັບປຸງ ແບບແຜນວິທີນຳພາ-ຊີ້ນຳ ຈັດຕັ້ງປະຕິບັດວຽກງານຕາມ 5 ຫຼັກການ 3 ທິດນໍາ, ຕັດສິນໃຈປັບປຸງ ແກ້ໄຂ 3 ກະແສແນວຄິດທີ່ຍັງເກາະຫ້ອຍຢູ່ນໍາສະມາຊິກພັກ, ພະນັກງານ ໃຫ້ໝົດໄປ, ຖືເອົາວຽກງານຕິດຕາມ, ກວດກາເປັນບັນຫາສຳຄັນ ເພື່ອແນໃສ່ກໍ່ສ້າງໜ່ວຍພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ, ເນັ້ນຄຸນນະພາບຫຼາຍກວ່າປະລິມານ, ເອົາໃຈໃສ່ປົກປັກຮັກສາມູນເຊື້ອເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ຕະຫລອດໄປ.

ພາບ ແລະ ຂ່າວ: ສພຂ ຫົວພັນ