ວັນທີ 4 ມີນາ 2024 ນີ້, ຢູ່ທີ່ຫ້ອງປະຊຸມຄະນະປະຈຳ ສະພາປະຊາຊົນ ແຂວງຫົວພັນ ໄດ້ຈັດກອງປະຊຸມເຊື່ອມຊຶມ ມະຕິ ກອງປະຊຸມຄົບຄະນະ ຄັ້ງທີ 7 ສະໄໝທີ XI ຂອງຄະນະບໍລິຫານງານສູນກາງພັກຂຶ້ນ ໂດຍການເຜີຍແຜ່ ແລະ ເຊືອມ ຂອງສະຫາຍ ຄຳຟອງ ກົ້ວມີໄຊ, ຮອງເລຂາໜ່ວຍພັກ, ເລຂາທິການສະພາປະຊາຊົນແຂວງ, ມີບັນດາສະຫາຍ ຄະນະພັກ, ຫົວໜ້າ, ຮອງຫົວໜ້າຂະແໜງ, ສະມາຊິກພັກ ແລະ ພະນັກງານ-ລັດຖະກອນ ພາຍໃນສະພາປະຊາຊົນແຂວງ ເຂົ້າຮ່ວມ.

ຈຸດປະສົງຂອງການເຊື່ອມຊຶມໃນຄັ້ງນີ້, ເພື່ອເຜີຍແຜ່ໃຫ້ສະມາຊິກພັກ, ພະນັກງານ-ລັດຖະກອນ ໄດ້ຮັບຮູ້, ເຂົ້າໃຈເນື້ອໃນດັ່ງກ່າວ ໂດຍຫັນເປັນແຜນການ, ແຜນງານ, ໂຄງການ, ມີການແບ່ງປັນຄວາມຮັບຜິດຊອບລະອຽດ ພ້ອມທັງຈັດຕັ້ງປະຕິບັດໃຫ້ໄດ້ຮັບຜົນດີ ແລະ ກໍາແໜ້ນ ເນື້ອໃນຈິດໃຈ ມະຕິດັ່ງກ່າວ ຢ່າງກວ້າງຂວາງ, ທົ່ວເຖິງ, ເລິກເຊິງ ເພື່ອສືບຕໍ່ຍູ້ແຮງ ແລະ ຜັນຂະຫຍາຍແນວທາງປ່ຽນແປງໃໝ່ຮອບດ້ານທີ່ມີຫຼັກການ ຂອງພັກ ແລະ ການຄຸ້ມຄອງບໍລິຫານຂອງລັດ, ເຮັດໃຫ້ໂສມໜ້າໃໝ່ຂອງປະເທດຊາດ ພວກເຮົາ ມີການປ່ຽນແປງຢ່າງຫຼວງຫຼາຍຮອບດ້ານ. ໃນນັ້ນ ຕ້ອງຍູ້ແຮງການຈັດຕັ້ງຜັນຂະຫຍາຍເຂົ້າສູ່ຊີວິດຕົວຈິງ ໃຫ້ເປັນຂະບວນການຟົດຟື້ນ, ກວ້າງຂວາງ ແລະ ແຂງແຮງ ຂອງມະຫາຊົນ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ ຮອບດ້ານ ທາງດ້ານຄວາມຮູ້-ຄວາມສາມາດ, ທັກສະ, ແນວຄິດ ແລະ ການກະທໍາ, ແນ່ໃສ່ສົ່ງເສີມດ້ານດີ, ແກ້ໄຂຄວາມບົກຜ່ອງ, ຂໍ້ຄົງຄ້າງ ແລະ ສິ່ງທ້າທາຍຕ່າງໆ ໃຫ້ມີການຫັນປ່ຽນ ຢ່າງແຂງແຮງ ເລິກເຊິ່ງ ຮອບດ້ານ.

                                                                                                                                                                                               ພາບ ແລະ ຂ່າວ: ສພຂ ຫົວພັນ.