ໃນວັນທີ 30 ສິງຫາ ຫາ 01 ກັນຍາ 2022 ນີ້,ສະພາປະຊາຊົນແຂວງໆສະຫວັນນະເຂດ ໄດ້ຈັດກອງປະຊຸມຝຶກອົມຮົມຍົກລະດັບຂີດຄວາມສາມາດໃຫ້ແກ່ພະນັກງານ-ລັດຖະກອນ ສະພາປະຊາຊົນແຂວງ ແລະ ຜູ້ປະສານງານ ຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ – ນະຄອນ ຢູ່ທີ່ສະໂມສອນຫ້ອງວ່າການຂອງເມືອງຈໍາພອນ ພາຍໃຕ້ການເປັນປະທານຂອງ ທ່ານ ນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ໃຫ້ກຽດເຂົ້າຮ່ວມພິທີເປີດທ່ານ ປອ ພູລຳພອນ ສີຫາວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆຈຳພອນ, ມີບັນດາທ່ານຄະນະປະຈຳ ສພຂ, ສສຂ ປະຈຳເຂດເລືອກຕັ້ງຂອງເມືອງຈຳພອນ, ຄະນະເລຂາທິການ, ຫົວໜ້າ-ຮອງຫົວໜ້າແໜງ ຕະຫຼອດຮອດພະນັກງານ-ລັດຖະກອນສະພາປະຊາຊົນແຂວງ ແລະ ຜູ້ປະສານງານ ຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ 14 ເມືອງ ແລະ 01 ນະຄອນ ,ເຂົ້າຮ່ວມທັງໝົດ 86 ທ່ານ, ຍິງ 29 ທ່ານ.
ຈຸດປະສົງໃນການຝຶກອົບຮົມຄັ້ງນີ້ ເພື່ອສ້າງຄວາມເຂັ້ມແຂງໃຫ້ແກ່ພະນັກງານ-ລັດຖະກອນສະພາປະຊາຊົນແຂວງ ກໍຄືຜູ້ປະສານງານ ຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ – ນະຄອນ ໃນການເປັນເສນາທິການໃຫ້ແກ່ສະມາຊິກສະພາແຫ່ງຊາດ,ຄະນະປະຈຳ ສພຂ, ສະມາຊິກສະພາປະຊາຊົນແຂວງ ພ້ອມທັງເປັນການຍົກລະດັບຄວາມຮູ້, ຄວາມສາມາດຂອງຕົນໃຫ້ມີຄຸນນະພາບ ແລະ ສຳເລັດຕາມລະດັບຄາດໝາຍໃນແຕ່ລະໄລຍະ
2
ທ່ານ ນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ກໍໄດ້ກ່າວເປີດກອງປະຊຸມຝຶກອົມຮົມ ພ້ອມທັງໄດ້ຮຽກຮ້ອງໃຫ້ນັກສໍາມະນາກອນ ທຸກທ່ານ ຈົ່ງເອົາໃຈໃສ່ຮໍ່າຮຽນເອົາຄວາມຮູ້ໃນຫົວຂໍ້ຕ່າງໆ ທີ່ໄດ້ຝຶກອົບຮົມ ເພື່ອນໍາເອົາບົດຮຽນມາໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຕົນໃຫ້ເກີດປະໂຫຍດສູງສຸດ ຊຶ່ງຫົວຂໍ້ທີ່ນຳມາຝຶກໃນຄັ້ງນີ້ປະກອບມີ: ການນຳສະເໜີເອກະສານກ່ຽວກັບການຕ້ອນຮັບແຂກ ການວາງແຜນການຈັດກອງປະຊຸມ, ຮູບແບບກອງປະຊຸມ, ການຕິດຕາມຄະນະນຳໃນການຢ້ຽມຢາມ ແລະ ເຄື່ອນໄຫວເຮັດວຽກພາຍໃນ ແລະ ຕ່າງປະເທດ, ການປະສານງານ ແລະ ອື່ນໆ; ເຜີຍແຜ່ກົດໝາຍ ວ່າດ້ວຍເອກະສານ, ເຕັກນິກການສ້າງເອກະສານທາງລັດຖະການ, ວຽກງານ ຂາເຂົ້າ-ຂາອອກ, ວຽກງານສຳເນົາ ແລະ ການບັນຍາຍເອກະສານກ່ຽວກັບປະສານງານ ແລະ ການເປັນຜູ້ປະສານງານທີ່ດີ ໃຫ້ແກ່ຄະນະສະຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ-ນະຄອນ ແລະ ການແນະນຳກ່ຽວກັບການຕິດຕັ້ງລະບົບແອັບພລິເຄຊັນ Lao Na ຈາກນັກວິທະຍາກອນ ທີ່ມີຄວາມຮູ້, ຄວາມສາມາດ ທີ່ມາຈາກ ກົມບໍລິຫານ-ພິທີການສະພາແຫ່ງຊາດ, ພະແນກພາຍໃນແຂວງ ແລະ ສະພາປະຊາຊົນແຂວງ ດ້ວຍບັນຍາກາດທີ່ຟົດຟື້ນ ຊຶ່ງນັກວິທະຍາກອນ ໄດ້ຖ່າຍທອດຄວາມຮູ້, ວິທີການ, ຮູບແບບການສົນທະນາ, ແລກປຽນບົດຮຽນ ຄ່ຽງຄູ່ກັບການຝຶກປະຕິບັດຕົວຈິງ, ສຸມໃສ່ປະກອບຄໍາຄິດ-ຄໍາເຫັນ ໃນແຕ່ລະຫົວຂໍ້ ຢ່າງກົງໄປກົງມາ
ເພື່ອນຈະນໍາເອົາບົດຮຽນດັ່ງກ່າວ ໄປໜູນໃຊ້ເຂົ້າໃນວຽກງານຕົວຈິງ ພ້ອມທັງເປັນການປັບປຸງແບບແຜນວິທີເຮັດວຽກໃຫ້ມີຄຸນນະພາບດີຂຶ້ນໄປເລື້ອຍໆ ແລະ ໃນໂອກາດທີ່ມາຝຶກອົບຮົມຄັ້ງນີ້ ກໍໄດ້ມີການຈັດກິດຈະກຳແຂ່ງຂັນກິລາບານເຕະມິດຕະພາບຊາຍ-ຍິງ ລະຫວ່າງທີມສະພາປະຊາຊົນແຂວງ ກັບ ທີມຫ້ອງວ່າການເມືອງຈຳພອນ ເພື່ອເປັນການຮັດແໜ້ນຄວາມສາມັກຄີ ຮັກແພງໃນຖັນແຖວພະນັກງານ-ລັດຖະກອນ ຂອງທັນສອງພາກສ່ວນຕື່ມອີກ.
ພາບ-ຂ່າວ: ນ.ຄອນສະຫວັນ ເມກສະຫວັນ 