ໃນລະຫວ່າງວັນທີ 19 ຫາ 20 ຕຸລາ 2023 ນີ້ ສະພາປະຊາຊົນແຂວງວຽງຈັນ ຈັດກອງປະຊຸມຝຶກອົບຮົມໃນຫົວຂໍ້: ຄວາມຮູ້ພື້ນຖານໃນການນໍາໃຊ້ຄອມພິມເຕີ,ການນໍາໃຊ້  World, Exel, PowerPoint ແລະ ວຽກງານການຮັບຄໍາຮ້ອງ-ຄໍາສະເໜີຂອງປະຊາຊົນບັນດາເຜົ່າ ໂດຍການເປັນປະທານຂອງ ທ່ານ ນາງ ຈັນທະຄອນ ສີອໍາພອນ ຮອງປະທານສະພາປະຊາຊົນແຂວງ ເຂົ້າຮ່ວມມີ ຫົວໜ້າ-ຮອງຫົວໜ້າຂະແໜງ ຕະຫຼອດຮອດວິຊາການພາຍໃນສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ດໍາເນີນໃນຮູບແບບບັນລະຍາຍ, ມີບັນຍາກາດທີຟົດຟື້ນ ວີທະຍາກອນແຕ່ລະທາ່ນ ມີຄວາມເອົາໃຈໃສ່ ສະເໜີແຕ່ລະຫົວຂໍ້, ການອະທິບາຍຊີ້ແຈງ ແລະ ຖ່າຍທອດບົດຮຽນແຕ່ລະດ້ານຈະແຈ້ງ,ເຂົ້າໃຈງາ່ຍ, ສົນທະນາແລກປຽນບົດຮຽນເຊິ່ງກັນ ແລະ ກັນ ຈຸດປະສົ່ງໃນການຝຶກອົບຮົມໃນຄັ້ງນີ້ກໍ່ເພື່ອເປັນການຍົກສູງຄວາມຮູ້, ຄວາມສາມາດ ດ້ານການນໍາໃຊ້ວຽກງານໄອທີເຂົ້າໃນການປະຕິບັດວຽກງານຂອງຕົນ ເພື່ອເປັນບົດຮຽນໃຫ້ແກ່ເສນາທິການຂອງສະພາປະຊາຊົນແຂວງວຽງຈັນໃນການນໍາໃຊ້ລະບົບຄອມພິວເຕີ, ການນໍາໃຊ້ WORLD, EXEL, POWERPOINT ແລະ ຮັບຮູ້ໃນການຮັບຄໍາຮ້ອງ, ຄໍາສະເໜີ ໃຫ້ໄປຕາມລະບົບສາມາດນໍາໄປຈັດຕັ້ງປະຕິບັດໃຫ້ມີປະສິດທິພາບ ແລະ ປະສິດທິຜົນ.

ໃນຕອນທ້າຍກອງປະຊຸມ ທ່ານ ນາງ ຈັນທະຄອນ ສີອໍາພອນ ຮອງປະທານສະພາປະຊາຊົນແຂວງ ຍັງໃຫ້ຄໍາຄິດຄໍາເຫັນ ໃຫ້ພະນັກງານສະພາປະຊາຊົນແຂວງ ຈົ່ງສຸມສະຕິປັນຍາ, ຄົ້ນຄວ້າເພື່ອສາມາດນໍາໄປຈັດຕັ້ງປະຕິບັດເຂົ້າໃນວຽກງານຕົວຈິງໃຫ້ດີຂື້ນກວ່າເກົ່າ.

ພາບ-ຂ່າວ ບູລາຕີ ແສນທະວົງ