(ສພຊ) – ຕອນບ່າຍວັນທີ 9 ຕຸລາຜ່ານມາ ໄດ້ມີພິທີມອບ-ຮັບເຄື່ອງຫັດຖະກຳ ມູນຄ່າ 12 ລ້ານກີບ ເພື່ອຮັບໃຊ້ກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ຄັ້ງທີ 45 ເຊິ່ງກ່າວມອບໂດຍທ່ານ ວິລັດ ສຸມີໄຊ ຮອງເລຂາທິການສະພາປະຊາຊົນແຂວງ (ສພຂ) ບໍລິຄຳໄຊ, ກ່າວຮັບໂດຍທ່ານ ອາຄົມ ປຣະເສີດ ຮອງເລຂາທິການສະພາແຫ່ງຊາດ ພ້ອມດ້ວຍພະນັກງານທັງສອງຝ່າຍ ເຂົ້າຮ່ວມ.

ທ່ານ ອາຄົມ ປຣະເສີດ ໄດ້ກ່າວຄຳຂອບໃຈຕໍ່ສະພາປະຊາຊົນແຂວງບໍລິຄຳໄຊ ທີ່ໄດ້ປະກອບສ່ວນສຳຄັນ ແລະ ສະໜັບສະໜູນຜະລິດຕະພັນທີ່ມີຄວາມເປັນເອກະລັກສະເພາະ ແລະ ຜະລິດຢູ່ພາຍໃນແຂວງບໍລິຄຳໄຊ ທີ່ສາມາດຈັດເປັນເຄື່ອງຕ້ອນຂອງຝາກໃຫ້ແກ່ຜູ້ແທນຕ່າງປະເທດທີ່ເຂົ້າຮ່ວມກອງປະຊຸມໄອປາຄັ້ງນີ້.

(ຂ່າວ: ນາງ ໄຊໂສພາພອນ ມິ່ງມຸງຄຸນ, ພາບ: ສອນສັກ ວັນວິໄຊ)