​         (ສພຊ) ເພື່ອຍົກສູງການຫັນເປັນທັນສະໄໝການນໍາໃຊ້ອຸປະກອນສື່ສານໄອທີ ເຂົ້າໃນການປະຕິບັດໜ້າທີ່ວຽກງານຂອງສະພາແຫ່ງຊາດ ກໍຄືສະພາປະຊາຊົນແຂວງ (ສພຂ) ເປັນຕົ້ນ ການຈັດກອງປະຊຸມດ້ວຍຮູບແບບທາງໄກ ໂດຍການນໍາໃຊ້ລະບົບ ສະມາດບອດ (VIEWSONIC IFP 6570) ໃຫ້ແກ່ ສພຂ ໃນຂອບເຂດທົ່ວປະເທດ, ສະນັ້ນ ໃນຕອນເຊົ້າມື້ວານນີ້ ທີ່ ສພຂ ຈໍາປາສັກ ຈຶ່ງໄດ້ຈັດພິທີມອບ-ຮັບອຸປະກອນດັ່ງກ່າວ ໂດຍການກ່າວມອບຂອງທ່ານ ປອ. ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ, ກ່າວຮັບໂດຍທ່ານ ສາຍທອງ ໄຊຍະວົງ ປະທານ ສພຂ ຈໍາປາສັກ, ມີທ່ານ ນາງ ປິ່ງຄໍາ ລາຊະສິມມາ ເລຂາທິການສະພາແຫ່ງຊາດ, ບັນດາຄະນະຕິດຕາມ ແລະ ການນໍາ ສພຂ ຈໍາປາສັກ ເຂົ້າຮ່ວມເປັນສັກຂີພິຍານ.

​ ອຸປະກອນທີ່ນໍາມາມອບໃນຄັ້ງນີ້ ໄດ້ຮັບການສະໜັບສະໜູນຈາກແຜນງານເຊກາ (CEGGA) ເຊິ່ງລວມມີສະຫະພາບເອີຣົບ (EU), ອົງການຮ່ວມມືເພື່ອການພັດທະນາ ແຫ່ງປະເທດສະວິສເຊີແລນ (SDC) ແລະ ລັດຖະບານເຢຍລະມັນ ລວມມູນຄ່າ 130 ລ້ານກວ່າກີບ.

(ພາບ ແລະ ຂ່າວ: ສອນສັກ ວັນວິໄຊ)