ໃນຕອນເຊົ້າຂອງວັນທີ 09 ມິຖຸນາ 2023 ທ່ານ ນາງ ລຳພອຍ ສີອັກຄະຈັນ, ຮອງປະທານ ສະພາປະຊາຊົນ ນວ ໄດ້ເຂົ້າຮ່ວມປູກຕົ້ນໄມ້ ເພື່ອຊົມເຊີຍວັນປູກຕົ້ນໄມ້ແຫ່ງຊາດ 01 ມິຖຸນາ 2023 ຄົບຮອບ 43 ປີ ທີ່ບໍລິສັດມາເຕົ້ານວນທອງ ພັດທະນາ ອະສັງຫາລິມະຊັບຊຸມຊົນ ຈຳກັດ ຢູ່ບ້ານຫ້ວຍຫ້ອມ, ເມືອງສີໂຄດຕະບອງ ນວ, ໃຫ້ກຽດຕ້ອນຮັບໂດຍ ທ່ານ ທະວີໄຊ ເໝົາຊົມພູ, ເຈົ້າເມືອງສີໂຄດຕະບອງ ນວ, ມີການນຳພັກ-ລັດ ຂັ້ນນະຄອນຫຼວງ, ບັນດາຫ້ອງການອ້ອມຂ້າງເມືອງ ພ້ອມດ້ວຍການຈັດຕັ້ງຂັ້ນບ້ານ ແລະ ປະຊາຊົນພາຍໃນເມືອງສີໂຄດຕະບອງ ໄດ້ໃຫ້ການເຂົ້າຮ່ວມ.

ໃນໂອກາດດັ່ງກ່າວ ຮັບຟັງການລາຍງານສະພາບການປູກຕົ້ນໄມ້ໄລຍະຜ່ານມາ ຂອງເມືອງສີໂຄດຕະບອງ ແລະ ຮັບຟັງການສະເໜີປະຫວັດຄວາມເປັນມາຂອງການປູກຕົ້ນໄມ້ຂອງບໍສັດມາເຕົ້ານວນທອງ ພັດທະນາອະສັງຫາລິມະຊັບຊຸມຊົນ ຈຳກັດ, ຫຼັງຈາກນັ້ນ ບັນດາທ່ານທີ່ເຂົ້າຮ່ວມພິທີໃນຄັ້ງນີ້ ໄດ້ດຳເນີນການປູກຕົ້ນໄມ້ຢ່າງເປັນຂະບວນຟົດຟື້ນ.