ໃນຕອນເຊົ້າ, ວັນທີ 05 ມິຖຸນາ 2023, ຄະນະກຳມະການຍຸຕິທຳ ແລະ ປກຊ-ປກສ ລົງເຄື່ອນໄຫວຕິດຕາມກວດກາການຈັດຕັ້ງປະຕິບັດລັດຖະທຳມະນູນ, ກົດໝາຍ ແລະ ນິຕິກຳໃຕ້ກົດໝາຍ ໂດຍແບ່ງອອກເປັນ 2 ຈຸ ຄື: ຈຸທີ 1 ນຳໂດຍ ທ່ານ ນາງ ສົມພຽນ ວົງໄຊ, ປະທານ ຄະນະກຳມະການຍຸຕິທຳ ແລະ ປກຊ-ປກສ ສະພາປະຊາຊົນ ນວ ພ້ອມດ້ວຍຄະນະ ລົງເຮັດວຽກຢູ່ສານປະຊາຊົນ, ໄອຍະການປະຊາຊົນ ເຂດ 1 ນວ ໃຫ້ການຕ້ອນຮັບໂດຍ ທ່ານ ກົງເພັດ ລາດບຸນເຮືອງ, ປະທານສານປະຊາຊົນ ເຂດ 1 ແລະ ທ່ານ ນາລີສວນ ສາຍສຸລິຍາ, ຫົວໜ້າອົງການໄອຍະການປະຊາຊົນ ເຂດ 1 ແລະ ຈຸທີ 2 ນຳໂດຍ ທ່ານ ຄຳຜອງ ແສງສະຫວ່າງ, ຮອງປະທານ ຄະນະກຳມະການຍຸຕິທຳ ແລະ ປກຊ-ປກສ ສະພາປະຊາຊົນ ນວ ພ້ອມດ້ວຍຄະນະ ລົງເຮັດວຽກຢູ່ອົງການໄອຍະການປະຊາຊົນ ເຂດ 2 ນວ ໃຫ້ການຕ້ອນຮັບໂດຍ ທ່ານ ບຸນທະວີ ສີແສນດີ, ຫົວໜ້າອົງການໄອຍະການປະຊາຊົນ ເຂດ 2 ນວ.

ໃນການລົງເຮັດວຽກດັ່ງກ່າວ ໄດ້ຮັບຟັງການລາຍງານການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023 ຂອງແຕ່ລະພາກສ່ວນ ເຊິ່ງໄລຍະຜ່ານມາ ໄດ້ຕັ້ງໜ້າຈັດຕັ້ງຜັນຂະຫຍາຍ ແລະ ປະຕິບັດຕາມ ມະຕິກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນ ນວ ໂດຍແຕ່ລະພາກສວ່ນໄດ້ມີການປະສານສົມທົບເຊິ່ງກັນ ແລະ ກັນ ສຸມກຳລັງແຮງເຂົ້າໃສ່ວຽກງານວິຊາສະເພາະ ເພື່ອຍົກສູງຄຸນນະພາບໃນການດຳເນີນຄະດີຢູ່ສານ, ໄອຍະການຂັ້ນຕົ້ນ ໃຫ້ຮັບປະກັນຄວາມຖືກຕ້ອງຕາມຫຼັກການຂອງການດຳເນີນຄະດີ. ນອກນັ້ນ, ກອງປະຊຸມຍັງໄດ້ຮັບຟັງການລາຍສຳເລັດເລັດ ແລະ ຂໍ້ຄົງຄ້າງໃນການຈັດຕັ້ງປະຕິບັດວຽກງານດ້ານອື່ນໆອີກ ແລະ ໃນໂອກາດດັ່ງກ່າວ ບັນດາທ່ານຜູ້ເຂົ້າຮ່ວມ ກໍໄດ້ມີຄຳເຫັນແລກປ່ຽນເຊິ່ງກັນ ແລະ ກັນ ເພື່ອຊອກຫາວິທີແກ້ໄຂບັນ ດາຂໍ້ຄົງຄ້າງໃນການປະຕິບັດວຽກງານຂອງອົງການໄອຍະການປະຊາຊົນ, ສານປະຊາຊົນ ເຂດ 1 ແລະ ອົງການໄອຍະການປະ ຊາຊົນ ເຂດ 2 ໃນໄລຍະຜ່ານມາ ແລະ ໃນຕອນທ້າຍ ປະທານ ກອງປະຊຸມຂອງແຕ່ລະຈຸ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະນຳຂອງແຕ່ລະເຂດໃນໄລຍະຜ່ານມາ ທີ່ໄດ້ຕັ້ງໜ້າປະຕິບັດໜ້າທີ່ດ້ວຍຄວາມຮັບຜິດຊອບສູງ ແລະ ເນັ້ນໃຫ້ເອົາໃຈໃສ່ປະຕິບັດບັນດາຄາດໝາຍ ແລະ ທິດທາງໃນຕໍ່ໜ້າທີ່ກຳນົດໄວ້ໃຫ້ໄດ້ຮັບຜົນສຳເລັດຕາມແຜນການທີ່ວາງໄວ້.