(ສປນວ) ໃນຕອນບ່າຍ, ວັນທີ 08 ກຸມພາ 2023 ສະພາປະຊາຊົນ ນະຄອນຫຼວງວຽງຈັນ ໄດ້ຈັດກອງປະຊຸມປະກາດ ການຈັດຕັ້ງພາຍໃນສະພາປະຊາຊົນ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ນາງ ລຳພອຍ ສີອັກຄະຈັນ, ຄະນະປະຈຳພັກ ນະຄອນຫຼວງ, ຮອງປະທານ ສະພາປະຊາຊົນ ນະຄອນຫຼວງວຽງຈັນ ໂດຍມີບັນດາທ່ານ ຄະນະປະຈໍາ, ຮອງປະທານຄະນະກຳມະການ, ບັນດາທ່ານຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານວິຊາການ ຂອງສະພາປະຊາຊົນ ນະຄອນຫຼວງ ໄດ້ໃຫ້ການເຂົ້າຮ່ວມ.

ໃນກອງປະຊຸມດັ່ງກ່າວ ທ່ານ ນະຄະເສນ ສີຫາລາດ, ເລຂາທິການ ສະພາປະຊາຊົນ ນະຄອນຫຼວງ ໄດ້ຂຶ້ນຜ່ານມະຕິ ຈຳ ນວນ 02 ສະບັບຄື: ມະຕິຂອງຄະນະປະຈຳສະພາປະຊາຊົນ ນະຄອນຫຼວງວຽງຈັນ ຊຸດທີ II ວ່າດ້ວຍການແຕ່ງຕັ້ງຮອງເລຂາ ທິການ ສະພາປະຊາຊົນ ຈຳນວນ 03 ທ່ານ, ເປັນຍິງ 02 ທ່ານ ແລະ ມະຕິຂອງຄະນະປະຈຳສະພາປະຊາຊົນ ນະຄອນຫຼວງວຽງຈັນ ຊຸດທີ II ວ່າດ້ວຍການແຕ່ງຕັ້ງຫົວໜ້າຂະແໜງ, ວ່າການຫົວໜ້າຂະແໜງ ແລະ ຮອງຫົວໜ້າຂະແໜງ ຈຳນວນໜຶ່ງ.

ພາຍຫຼັງການຜ່ານມະຕິດັ່ງກ່າວ, ທ່ານ ນາງ ລຳພອຍ ສີອັກຄະຈັນ ກໍໄດ້ມີຄຳເຫັນໂອ້ລົມຕໍ່ບັນດາທ່ານ ທີ່ໄດ້ຮັບການແຕ່ງ ຕັ້ງໃນຄັ້ງນີ້ ເພື່ອເປັນທິດນຳໃຫ້ແກ່ບັນດາທ່ານທີ່ຖືກແຕ່ງຕັ້ງ ໃນການຈັດຕັ້ງປະຕິບັດວຽກງານໃຫ້ມີປະສິດທິພາບ ແລະ ປະສິດທິຜົນຫຼາຍຂຶ້ນ. ໃນຕອນທ້າຍຂອງກອງປະຊຸມ ຕາງໜ້າໃຫ້ແກ່ບັນດາທ່ານທີໄດ້ຮັບການແຕ່ງຕັ້ງ ກໍໄດ້ຂຶ້ນກ່າວຮັບຄຳໂອ້ລົມຂອງທ່ານປະທານ ກອງປະຊຸມ ໂດຍໃຫ້ຄຳສັນຍາວ່າ ຈະສຸມສະຕິປັນຍາ, ເຫື່ອແຮງ, ຄວາມຮູ້ຄວາມສາມາດ ແລະ ປະ ສົບການຂອງຕົນ ເຂົ້າໃນການປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ ແລະ ມີຜົນສຳເລັດຕາມຄາດໝາຍທີ່ວາງໄວ້ໃຫ້ສົມກັບຄວາມເຊື່ອໝັ້ນ ແລະ ຄວາມໄວ້ວາງໃຈຂອງການຈັດຕັ້ງ ຢ່າງແທ້ຈິງ. (ນາງ ໂຮງທ່າວ ຊົງເຢີ)