ໃນລະວ່າງວັນທີ 30 ຕຸລາ – 1 ພະຈິກ 2024 ຜ່ານມານີ້, ນໍາໂດຍທ່ານ ຄໍາເຜີຍ ງອນວັນຄໍາ ຮອງປະທານສະພາປະຊາຊົນແຂວງ, ມີຄະນະປະຈໍາສະພາປະຊາຊົນແຂວງ ພ້ອມດ້ວຍຄະນະທີມງານ ແລະພາກສ່ວນກ່ຽວຂ້ອງຂັ້ນແຂວງ, ສະມາຊິກສະພາປະຊາຊົນແຂວງປະຈໍາເຂດເລືອຕັ້ງເມືອງ, ການນໍາເມືອງຮຸນ ແລະເມືອງປາກແບງເຂົ້າຮ່ວມ.
ການລົງຕິດຕາມໃນຄັ້ງນີ້, ໄດ້ຮັບຟັງການລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດ 3 ຂໍ້ຕົກລົງຂອງທ່ານເຈົ້າແຂວງຢູ່ບັນດາເມືອງຄື: ຂໍ້ຕົກລົງວ່າດ້ວຍ ກອງທຶນຄວບຄຸມ, ສະກັດກັ້ນ ແລະແກ້ໄຂຢາເສບຕິດ ສະບັບເລກທີ 110/ອຊ, ລົງວັນທີ 24 ກຸມພາ 2022, ຂໍ້ຕົກລົງ ວ່າດ້ວຍການຄຸ້ມຄອງການຈັດງານປະເພນີຕ່າງໆ ຢູ່ແຂວງອຸດົມໄຊ ເລກທີ 1234/ອຊ ລົງວັນທີ 6 ທັນວາ 2022 ແລະຂໍ້ຕົກລົງ ວ່າດ້ວຍການທົດແທນຄ່າເສຍຫາຍຈາກໂຄງການພັດທະນາ ຂອງແຂວງອຸດົມໄຊ ເລກທີ 112/ອຊ, ລົງວັນທີ 24 ກຸມພາ 2022.
ຫຼັງຈາກນັ້ນ, ຜູ້ເຂົ້າຮ່ວມໄດ້ມີຄໍາຄິດເຫັນແລກປ່ຽນເຊິງກັນ ແລະກັນ ກັບຄະນະທິມງານ ໃນການຈັດຕັ້ງປະຕິບັດບັນດາຂໍ້ຕົກລົງໃນໄລຍະທີ່ຜ່ານມາ ເຫັນວ່າມີຂໍ້ສະດວກ, ຂໍ້ຫຍຸ້ງຍາກແນວໃດ ແລະມີຄຳສະເໜີໃດຕໍ່ພາກສ່ວນກ່ຽວຂ້ອງ ເພື່ອນຳໄປພິຈາລະນາປັບປຸງຄືນຂໍ້ຕົກລົງດັ່ງກ່າວ ໃຫ້ມີເນື້ອໃນຄົບຖ້ວນສົມບູນກວ່າເກົ່າ, ແທດເໝາະກັບສະພາບຕົວຈິງຂອງສັງຄົມໃນປັດຈຸບັນ ແລະນໍາໄປຈັດຕັ້ງປະຕິບັດໃຫ້ເກີດຜົນປະໂຫຍດສູງສຸດ.
ຂ່າວ/ພາບ: ສພຂ.