(ສພຊ) ໃນຕອນບ່າຍວັນທີ 7 ທັນວາ 2022 ໂດຍການເປັນປະທານຂອງທ່ານ ປອ. ໄຊສົມພອນ ພົມວິຫານ ປະທານສະພາແຫ່ງຊາດ, ທ່ານ ປອ. ທອງຈັນ ມະນີໄຊ ລັດຖະມົນຕີກະຊວງພາຍໃນ ໄດ້ຊີ້ແຈງຕໍ່ບັນຫາທີ່ ສະມາຊິກສະພາແຫ່ງຊາດ ໃຫ້ຄວາມສົນໃຈ ທີ່ຫ້ອງປະຊຸມໃຫຍ່ສະພາແຫ່ງຊາດ ນະຄອນຫຼວງວຽງຈັນ.

ພາຍຫຼັງທ່ານ ລັດຖະມົນຕີກະຊວງພາຍໃນ ຊີ້ແຈງແລ້ວ, ປະທານກອງປະຊຸມ ໄດ້ສະເໜີບັນດາທ່ານ ສະມາຊິກສະພາແຫ່ງຊາດ ມີຄໍາຖາມເຈາະຈີ້ມເພີ່ມຕື່ມຕໍ່ບັນຫາທີ່ຍັງມີຄວາມສົນໃຈ ເພື່ອໃຫ້ທ່ານ ລັດຖະມົນຕີກະຊວງພາຍໃນ ຊີ້ແຈງກັບທີ່ ເພື່ອໃຫ້ຄວາມກະຈ່າງແຈ້ງ ຕໍ່ບັນຫາທີ່ບັນດາທ່ານ ສະມາຊິກສະພາແຫ່ງຊາດ ຍັງມີຄວາມສົນໃຈ.