ຕອນເຊົ້າຂອງວັນທີ 13 ກຸມພາ 2023 ທີ່ສະໂມສອນ 21 ມີນາແຂວງຄໍາມ່ວນ ໂດຍການເປັນປະທານກອງປະຊຸມຂອງທ່ານ ບົວພັນ ແສງຈັນ ຮອງປະທານສະພາປະຊາຊົນແຂວງຄໍາມ່ວນ, ເຂົ້າຮ່ວມມີບັນດາທ່ານຄະນະປະທານ, ທ່ານ ເຈົ້າແຂວງໆຄໍາມ່ວນ,​ ຮອງເຈົ້າແຂວງ, ບັນດາທ່ານ ພະແນກການທີ່ກ່ຽວຂ້ອງ ພ້ອມດ້ວຍບັນດາທ່ານສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 12 ແຂວງຄໍາມ່ວນ ຊຸດທີ IX ແລະ ບັນດາທ່ານສະມາຊິກສະພາປະຊາຊົນແຂວງຄໍາມ່ວນ ຊຸດທີ II ຈາກ 10 ເມືອງເຂົ້າຮ່ວມ.

ໃນວາລະດຳເນີນກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງຄໍາມ່ວນ ບັນດາພະແນກການໄດ້ຂຶ້ນຊີ້ແຈງທີ່ຕິດພັນກັບ ການລາຍງານ ແລະ ຕອບຄໍາຊັກຖາມຂອງ ຄະນະສະມາຊິກສະພາປະຊາຊົນຂັ້ນແຂວງ ມີ: ພະແນກສາທາລະນະສຸກແຂວງ, ພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວແຂວງ, ພະແນກແຮງງານ ແລະ ສະຫວັດດີການສັງຄົມແຂວງ,​ ຫົວໜ້າກອງບັນຊາການ ປກສ ແຂວງ.

ໂດຍ: ເອື້ອ ມະໂນສິງ