(ສພຊ) ວັນທີ 15 ຕຸລາ 2021 ທີ່ຫ້ອງຮັບແຂກສະພາແຫ່ງຊາດ ໄດ້ມີພິທີມອບ-ຮັບການສົມທົບທຶນ ແລະ ອຸປະກອນການແພດ ເຂົ້າກອງທຶນຊ່ວຍເຫຼືອສັງຄົມ ສະພາແຫ່ງຊາດ ເພື່ອຄວບຄຸມ, ປ້ອງກັນ ແລະ ຕ້ານການແຜ່ລະບາດຂອງພະຍາດໂຄວິດ-19 ຈາກສູນກາງແນວລາວສ້າງຊາດ ຮ່ວມກັບສູນກາງຊາວໜຸ່ມປະຊາຊົນປະຕິວັດລາວ, ມູນນິທິຊ່ວຍເຫລືອຄົນທຸກຍາກສາຂານະຄອນຫລວງວຽງຈັນ, ບໍລິສັດໃສທິລາດຂົນສົ່ງ ຈຳກັດຜູ້ດຽວ, ບໍລິສັດອາຊາ ຈຳກັດຜູ້ດຽວ, ບໍລິສັດອານຸວົງການຄ້າ ແລະ ບໍລິການຂາອອກ-ຂາເຂົ້າ ຈຳກັດ, ແມ່ຍາ ສີຈັນ ອານຸສິນ, Malaysain Businees chamber of laos PDR ແລະ LTC Global Development Foundation Inc (USA) ເຄື່ອງທີ່ນຳມາມອບຄັ້ງນີ້ປະກອບມີເຄື່ອງຊ່ວຍຫາຍໃຈ 4 ຊຸດ ພ້ອມອຸປະກອນການແພດ ແລະ ເງິນສົດ ລວມມູນຄ່າ 888.000.000 ກີບ ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ ສປປລາວ.

​ໃນພິທີ, ຕາງໜ້າສະພາແຫ່ງຊາດ ຮັບໂດຍທ່ານ ຄຳໃບ ດຳລັດ ຮອງປະທານປະທານສະພາແຫ່ງຊາດ ແລະ ຕາງໜ້າໃຫ້ສອງສູນກາງ, ມູນນິທິ ແລະ ບັນດາບໍລິສັດ ມອບໂດຍທ່ານ ອາລຸນໄຊ ສຸນນະລາດ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ມີບັນດາຄະນະທັງສອງຝ່າຍເຂົ້າຮ່ວມເປັນສັກຂີພິຍານ.

(ພາບ ແລະ ຂ່າວ: ສອນສັກ ວັນວິໄຊ)