ໃນວັນທີ 9 ເມສາ 2024 ນີ້ ສະພາປະຊາຊົນແຂວງຈໍາປາສັກ ໄດ້ຈັດພິທີ ມອບ-ຮັບ ອຸປະກອນຮັບໃຊ້ຫ້ອງການ ໃຫ້ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ 9 ເມືອງ, 1 ນະຄອນ ຂອງແຂວງຈໍາປາສັກ ຂື້ນຢູ່ທີ່ສະໂມສອນຂອງອົງການປົກຄອງເມືອງປາກຊ່ອງ ໂດຍການໃຫ້ກຽດມອບຂອງ ທ່ານ ສາຍທອງ ໄຊຍະວົງ ຮອງເລຂາພັກແຂວງ, ປະທານສະພາປະຊາຊົນແຂວງຈໍາປາສັກ ຮັບເອົາອຸປະກອນໂດຍບັນດາທ່ານຫົວໜ້າຄະນສະມາຊິກສະພາປະຊາຊົນແຂວງ ປະເຂດເລືອກຕັ້ງ 9 ເມືອງ, 1 ນະຄອນ ມີບັນດາທ່ານໃນຄະນະປະຈໍາສະພາປະຊາຊົນແຂວງ ແລະ ສະມາຊິສະພາປະຊາຊົນແຂວງເຂົ້າຮ່ວມໃນພິທີ.

ອຸປະກອນທີ່ນໍາມາມອບໃຫ້ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ 9 ເມືອງ, 1 ນະຄອນ ຂອງແຂວງຈໍາປາສັກ ໃນຄັ້ງນີ້, ປະກອບມີຄອມພິວເຕີ ຈໍານວນ 10 ເຄື່ອງ, ເຄື່ອງປິ່ນ ແລະ ອັດເອກະສານ ຈໍານວນ 10 ເຄື່ອງ ແລະ ເງິນສົດ ລວມມູນຄ່າ 116,700,000 ກີບ (ໜຶ່ງຮ້ອຍສີບຫົກລ້ານເຈັດແສນກີບ) ເຊິ່ງໄດ້ຮັບການຊ່ວຍເຫຼືອຈາກສະພາປະຊາຊົນແຂວງດົ່ງນາຍ ສສ ຫວຽດນາມ ໃນໂອກາດທີ່

ຄະນະຜູ້ແທນສະພາປະຊາຊົນແຂວງດົ່ງນາຍ ເດີນທາງມາເຄື່ອນໄຫວຢ້ຽມຢາມແຂວງຈໍາປາສັກ ໃນຕົ້ນເດືອນເມສາ 2024 ທີຜ່ານມາ. ເຊິ່ງເປັນການຊຸກຍູ້ເຮັດໃຫ້ພື່ນຖານການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ວຽກງານຂອງຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ 9 ເມືອງ, 1 ລະຄອນ ໃຫ້ມີຄວາມສະດວກສະບາຍ ແລະ ຫັນເປັນທັນສະໄໝຫຍິ່ງໆຂື້ນ.

(ພາບ-ຂ່າວ: ສົມວິຈິດ ໄຊມົນຕີ)