(ສພຊ) ໃນໂອກາດເດີນທາງເຂົ້າຮ່ວມພິທີປິດງານມະຫາກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ (ຊຽງຂວາງເກມ), ທ່ານ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ ໄດ້ນຳເອົາຄອມພິວເຕີຕັ້ງຕັກ (ໂນດບຸກ) ຈຳນວນ 2 ເຄື່ອງ ລວມມູນຄ່າ 16 ລ້ານກີບ ມອບໃຫ້ສະພາປະຊາຊົນແຂວງຊຽງຂວາງ ເຊິ່ງກ່າວຮັບໂດຍທ່ານ ບຸນໂຮມ ເທບທານີ ປະທານສະພາປະຊາຊົນແຂວງ.

ພິທີດັ່ງກ່າວ ໄດ້ຈັດຂຶ້ນໃນວັນທີ 23 ທັນວາ 2022, ທີ່ແຂວງຊຽງຂວາງ.