ໃນວັນທີ 4 ເມສາ 2024 ຢູ່ທີ່ຫ້ອງປະຊຸມສະພາປະຊາຊົນແຂວງໄດ້ເປີດພິທີເລື່ອນສະມາຊິກສໍາຮອງຂຶ້ນເປັນສະມາຊິກພັກສົມບູນ ຂ​ອງໜ່ວຍພັກ​ສະພາ​ປະຊາຊົນ​ແຂວງຂຶ້ນ ໂດຍພາຍໃຕ້ການເປັນທານຂອງ ສະຫາຍ ແສງເດືອນ ຈັນທະລັງສີ ເລຂາໜ່ວຍພັກສະພາປະຊາຊົນແຂວງ ໃຫ້ກຽດເຂົ້າຮ່ວມຂອງສະຫາຍ ວຽງໄຊ ສີວິໄລ ກໍາມະການພັກແຂວງ ຮອງປະທານສະພາປະຊາຊົນແຂວງ, ມີບັນດາທ່ານຄະນະປະຈໍາສະພາປະຊາຊົນແຂວງ, ຄະນະ  ໜ່ວຍພັກສະພາປະຊາຊົນແຂວງ, ສະມາຊິກພັກສະພາປະຊາຊົນແຂວງ ແລະ ສະມາຊິກພັກສໍາຮອງເຂົ້າຮ່ວມ.

ໃນພິທີ ສະຫາຍ ຄໍາແພງ ທໍາມະວອນ ໄດ້ຂຶ້ນຜ່ານໃບອະນຸມັດ ຂອງຄະນະຈັດຕັ້ງແຂວງວ່າດ້ວຍ ການ​ເລື່ອນສະມາຊິກ​ພັກສໍາຮອງຂຶ້ນເປັນສະມາຊິກພັກສົມບູນ ເຊິ່ງສະມາຊິກພັກສໍາຮອງທີ່ຈະເລື່ອນເປັນສະມາຊິກພັກສົມບູນຈໍານວນ 4 ສະຫາຍ, ຍິງ 4 ສະຫາຍ ແລະ ທ່ານ ວຽງໄຊ ສີວິໄລ ໄດ້ຂຶ້ນກ່າວຮັບສະມາສະມາຊິກພັກສໍາຮອງຂຶ້ນເປັນສະມາຊິກພັກສົມບູນພ້ອມນັ້ນ, ຍັງໄດ້ໂອ້ລົມສະມາຊິກພັກສົມບູນ ​ໂດຍ​ສະ​ເພາະ​ແມ່ນ​ສະມາຊິກ​ພັກສົມບູນໃໝ່ເຊິ່ງ ໄດ້ເນັ້ນໜັກສະມາຊິກພັກສົມບູນໃໝ່ຈົ່ງເອົາໃຈໃສ່ປະຕິບັດສິດ ແລະ ໜ້າທີ່ຂອງສະມາຊິກພັກຢ່າງຕັ້ງໜ້າ, ຍົກສູງຄວາມເປັນເຈົ້າການເປັນແບບຢ່າງນໍາໜ້າໃຫ້ແກ່ມະຫາຊົນ, ສືບຕໍ່ຝຶກຝົນຫຼໍ່ຫຼອມຕົນເອງໃນການຮໍ່າຮຽນເອົາສິ່ງໃໝ່ໆນໍາໃຊ້ເຂົ້າໃນການພັດທະນາຕົນເອງ ແລະ ນໍາໃຊ້ເຂົ້າໃນການປະຕິບັດໜ້າທີ່ວຽກງານທີ່ໄດ້ຮັບໝາຍ ແລະ ເປັນສະມາຊິກພັກປອດໃສ, ເຂັ້ມແຂງ, ໜັກແໜ້ນ,ເອົາໃສ່ຍົກສູງລະດັບວິຊາສະເພາະ, ສືບຕໍ່ຮັກສາມູນເຊື້ອຄວາມສາມັກຄີພາຍໃນໃຫ້ແໜ້ນແຟ້ນກວ່າເກົ່າ.

ໃນພິທີຊິກພັກສົມບູນໃໝ່ ໄດ້ຂຶ້ນປະຕິຍານຕົນເອງຈະປົກປັກຮັກສາ ແລະປະຕິບັດແນວທາງ, ແຜນນະໂຍບາຍຂອງພັກ, ເຄົາລົບກົດລະບຽບພັກ, ກົດໝາຍ ແລະ ລະບຽບການຂອງລັດ, ຈະປະຕິດບັດສິດ,ໜ້າທີ່ແລະຂໍ້ຫ້າມຂອງສະມາຊິກພັກຢ່າງເຂັ້ມງວດ, ຈະຮັກສາຄວາມລັບຂອງພັກ, ຂອງຊາດ, ຈະຈົ່ງຮັກພັກດີຕໍ່ການຈັດຕັ້ງແລະປະຊາຊົນ ແລະ ຈະກຽມພ້ອມເສຍຫຼະທຸກສິ່ງທຸກຢ່າງເພື່ອ, ປະເທດຊາດ ແລະປະຊາຊົນ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງສຸກສະຫວັນ ອິນທະແສງ