(ສພຊ) ໃນວັນທີ 15 ກັນຍາ 2023 ທີ່ຫໍສະພາແຫ່ງຊາດ ນະຄອນຫຼວງວຽງຈັນ ໄດ້ມີພິທີມອບ-ຮັບເງິນ ສົມທົບທຶນຊື້ເຂົ້າສານ ໃຫ້ແກ່ກອງທຶນຊ່ວຍເຫຼືອສັງຄົມສະພາແຫ່ງຊາດ ເພື່ອໄປຊ່ວຍຜູ້ປະສົບໄພພິບັດ 5 ແຂວງ ພາກກາງ ແລະ ພາກໃຕ້ ຄື: ບໍລິຄຳໄຊ, ຄຳມ່ວນ, ສະຫວັນນະເຂດ, ເຊກອງ ແລະ ອັດຕະປື ໂດຍຮັບແມ່ນທ່ານ ດຣ. ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມສະພາແຫ່ງຊາດ ແລະ ມອບໂດຍທ່ານ ສີວິໄລ ພົມມະຈັກ ຜູ້ອຳນວຍການໃຫຍ່ທະນາຄານພົງສະຫວັນ, ມີບັນດາທ່ານຄະນະກອງທຶນ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.