(ສພຊ) – ຕອນເຊົ້າວັນທີ 10 ທັນວາ 2024 ທີ່ສະພາແຫ່ງຊາດ ໄດ້ມີພິທີມອບ-ຮັບເຄື່ອງກອງນ້ຳສະອາດໃຫ້ແກ່ປະຊາຊົນ ຈຳນວນ 18 ແກັດ (144 ເຄື່ອງ) ລວມມູນຄ່າ 7,200 ໂດລາສະຫະລັດ ຈາກມູນນິທິພັດທະນາລ້ານຊ້າງ-ແມ່ຂອງ, ຕາງໜ້າກ່າວມອບໂດຍທ່ານ ນາງ ພູຄຳ ວົງວິຈິດ ແລະ ຕາງໜ້າກ່າວຮັບໂດຍທ່ານ ປອ. ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ເຊິ່ງມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພະຍານ.

ທ່ານ ປອ. ນາງ ສູນທອນ ໄຊຍະຈັກ ໄດ້ສະແດງຄວາມຂອບໃຈ ແລະ ມອບໃບຍ້ອງຍໍຂອງຄະນະປະຈຳສະພາແຫ່ງຊາດ ເພື່ອເປັນການຍ້ອງຍໍຜົນງານດີເດັ່ນໃນການປະກອບສ່ວນຊຸກຍູ້ ແລະ ອຸປະຖຳໃນຄັ້ງນີ້.

(ນາງ ກຸກກິກ ບຸດດາໄຊ)