(ສພຊ) ໃນວັນທີ 14 ມິຖຸນາ 2023 ທີ່ຫໍສະພາແຫ່ງຊາດ ນະຄອນຫຼວງວຽງຈັນ ໄດ້ມີພິທີມອບ-ຮັບເຄື່ອງກອງນ້ຳສະອາດ ມາດຕະຖານນໍ້າດື່ມ ຈາກບໍລິສັດທີ່ປຶກສາດາຊານ ສ.ເກົາຫຼີ ກ່າວຮັບໂດຍທ່ານ ຮສ. ປອ. ລິນຄຳ ດວງສະຫວັນ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ແລະ ກ່າວມອບໂດຍທ່ານ Joon Park ຮອງປະທານ ບໍລິສັດທີ່ປຶກສາ ດາຊານ.

ໂອກາດດັ່ງກ່າວ, ທ່ານ ຮສ. ປອ. ລິນຄຳ ດວງສະຫວັນ ໄດ້ກ່າວສະແດງຄວາມຂອບໃຈ ທີ່ທາງບໍລິສັດທີ່ປຶກສາດາຊານ ສ.ເກົາຫຼີ ໄດ້ປະກອບສ່ວນໃຫ້ການສະໜັບສະໜູນເຄື່ອງກອງນ້ຳ ເພື່ອໄປແຈກຢາຍໃຫ້ບັນດາບ້ານ, ເມືອງ ແລະ ແຂວງ ຈຳນວນໜຶ່ງທີ່ຂາດເຂີນນ້ຳກິນ, ນ້ຳໃຊ້ ໂດຍສະເພາະຢູ່ເຂດຊົນນະບົດຫ່າງໄກ ບໍ່ມີນໍ້າປະປາ ແລະ ບໍ່ສາມາດເຂົ້າເຖິງແຫຼ່ງນໍ້າສະອາດ.