(ສພຊ) – ເພື່ອເປັນເຄື່ອງດື່ມບໍາລຸງໃຫ້ແກ່ສະມາຊິກສະພາແຫ່ງຊາດ ໃນການປະຕິບັດໜ້າທີ່ຕາມສິດ ແລະ ພາລະບົດບາດຂອງຕົນ; ວັນທີ 25 ພະຈິກຜ່ານມາ ທີ່ສະພາແຫ່ງຊາດ ໄດ້ມີພິທີມອບ-ຮັບນ້ຳນົມສາລີຫວານ ຈາກບໍລິສັດອຸດສາຫະກຳ-ກະສິກຳ ຈຳກັດ ຈໍານວນ 1,000 ຕຸກ ລວມມູນຄ່າ 9 ລ້ານກີບ ໃຫ້ແກ່ສະພາແຫ່ງຊາດ, ຕາງໜ້າກ່າວມອບໂດຍທ່ານ ຫຼຸມຄໍາ ວົງໄຊ ປະທານບໍລິສັດດັ່ງກ່າວ ແລະ ຕາງໜ້າກ່າວຮັບໂດຍທ່ານ ນາງ ອຳໄພວອນ ລ້ອມບຸນແພງ ເລຂາທິການສະພາແຫ່ງຊາດ ເຊິ່ງມີພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

ທ່ານ ນາງ ອຳໄພວອນ ລ້ອມບຸນແພງ ໄດ້ສະແດງຄວາມຂອບໃຈ ພ້ອມທັງມອບໃບຍ້ອງຍໍຂອງຄະນະເລຂາທິການສະພາແຫ່ງຊາດ ເພື່ອເປັນການຍ້ອງຍໍຜົນງານດີເດັ່ນໃນການປະກອບສ່ວນຊຸກຍູ້ ແລະ ອຸປະຖຳຄັ້ງນີ້.

(ນາງ ອາລິນ ສຸພິມມະປະດິດ)