ຕອນເຊົ້າ ວັນທີ 17 ຕຸລາ 2024 ນີ້, ຢູ່ທີ່ຫ້ອງປະຊຸມສະພາປະຊາຊົນແຂວງຫຼວງນໍ້າທາ, ໜ່ວຍພັກພະແນກຍຸຕິທໍາແຂວງ, ສະພາປະຊາຊົນແຂວງ, ອົງການໄອຍະການປະຊາຊົນ ແລະ ສານປະຊາຊົນແຂວງຫຼວງນໍ້າທາ, ໄດ້ຈັດພິທີຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຢ່າງເປັນທາງການ, ພາຍໃຕ້ການເປັນປະທານ ຂອງສະຫາຍ ຄໍາຟອງ ອີນມານີ ຮອງເລຂາພັກແຂວງ, ປະທານສະພາປະຊາຊົນແຂວງຫຼວງນໍ້າທາ, ມີບັນດາສະຫາຍເລຂາຄະນະພັກ, ຜູ້ຕາງໜ້າຈາກຄະນະຈັດຕັ້ງ, ກວດກາ, ໂຄສະນາອົບຮົມແຂວງ ພ້ອມດ້ວຍສະມາຊີກພັກເຂົ້າຮ່ວມ 40 ກວ່າສະຫາຍ, ໃນນີ້ໄດ້ຟັງການຜ່ານມະຕິຕົກລົງຂອງຄະນະປະຈໍາພັກແຂວງເລກທີ77/ຄປພຂ ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023, ບົດສະຫຼູບຫຍໍ້ການສ້າງພັກປອດໃສ, ເຂັ້ມແຂງ, ໜັກແໜ້ນ, ຂອງໜວ່ຍພັກພະແນກຍຸຕິທໍາ, ສະພາປະຊາຊົນ, ອົງການໄອຍະການປະຊາຊົນ ແລະ ສານປະຊາຊົນແຂວງປະຈໍາປີ2023 ຕີລາຄາປະເມີນໄດ້ໜວ່ຍພັກພະແນກ ຍຸຕິທໍາມີສະຊິກພັກແຂງ 35 ສະຫາຍ, ຍິງ18 ສະຫາຍມີຄະແນນລວມ 9,11ກວມ100%, ໜ່ວຍພັກສະພາປະຊາຊົນມີສະມາຊິກພັກແຂງ 33 ສະຫາຍ ຍິງ12 ສະຫາຍຄະແນນລວມ 9,9 ກວມ100%, ໜ່ວຍພັກສານປະຊາຊົນມີສະມາຊິກພັກແຂງ 27 ສະຫາຍ ຍິງ 11 ສະຫາຍຄະແນນລວມ 9,8 ກວມ100%, ໜ່ວຍພັກ ອົງການໄອຍາການປະຊາຊົນມີສະມາຊິກພັກແຂງ 21 ສະຫາຍ ຍິງ 9 ສະຫາຍ ຄະແນນລວມ 9,8 ກວມ 100%, ທິດທາງແຜນການປະຈໍາປີ2024 ບັນໜວ່ຍໄດ້ວາງຄາດໝາຍສູ້ຊົນປະຕິບັດຕາມມາດຖານດັ່ງນີ້; ພະແນກຍຸຕິທໍາໃຫ້ໄດ້100%, ສະພາປະຊາຊົນໃຫ້ໄດ້ 99%, ສານປະຊາຊົນໃຫ້ໄດ້ 100%, ອົງການໄອຍາການປະຊາຊົນໃຫ້ໄດ້ 100%

ຕອນທ້າຍຂອງພິທີ ສະຫາຍ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ ປະທານພິທີຍັງໄດ້ມີຄໍາເຫັນເນັ້ນໜັກໃຫ້ຄະນະພັກ, ສະມາຊິກພັກສືບຕໍ່ຊີ້ນໍາໆພາປັບປຸງຍົກສູງຄຸນທາດການເມຶອງໃຫ້ໜັກແໜ້ນ, ເຂັ້ມແຂງ, ເພື່ອເສີມຂະຫຍາຍຈຸດດີ, ແກ້ໄຂຈຸດອອ່ນ, ນໍາພາປະຕິບັດທາງດ້ານໜ້າທີ່ການເມືອງ, ວິຊາສະເພາະ, ພັດທະນາດ້ານເສດຖະກິດ, ວັດທະນະທໍາ-ສັງຄົມ, ສືບຕໍ່ຊີ້ນໍາອົງການຈັດຕັ້ງມະຫາຊົນເພື່ອກໍ່ສ້າງພັກ, ກໍ່ສ້າງພະນັກງານໃຫ້ໄດ້ທັງປະລິມານຮັບປະກັນທັງດ້ານຄຸນນະພາບແລະ ໃຫ້ມີຜົນສໍາເລັດຕາມລະດັບຄາດໝາຍ.

ພາບ ແລະ ຂ່າວ ໂດຍ ນາງ ອາເມີງ ວິແຄລູ