ໃນວັນທີ 17 ມັງກອນ 2023  ນີ້ ທີ່ຫ້ອງປະຊຸມສະພາປະຊາຊົນແຂວງ ໄດ້ຈັດພິທີ ມອບຫລຽນໄຊ, ຫລຽນກາແຮງງານ ແລະ ໃບຍ້ອງຍໍໃຫ້ພະນັກງານລັດຖະກອນ ຜູ້ທີມີຜົນງານດີເດັ່ນ ຂະບວນການແຂ່ງຂັນຮັກຊາດ ແລະ ພັດທະນາ ໂດຍການເປັນປະທານຂອງ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງ, ເຂົ້າຮ່ວມມີບັນດາທາ່ນຮອງປະທານ, ຄະນະກໍາມະການ,ຄະນະເລຂາທິການ,ຫົວໜ້າຮອງຫົວໜ້າຂະແໜງ ພ້ອມດ້ວຍພະນັກງານ-ວິຊາການ ທັງໜົດພາຍໃນສະພາປະຊາຊົນເຂົ້າຮ່ວມຢ່າງພ້ອມພຽງ.

ໃນພີທີແມ່ນຮັບຟັງການຂື້ນຜ່ານຄໍາແນາະນໍາກ່ຽວກັບການຈັດຕັ້ງ-ຜັນຂະຫຍາຍເນື້ອໃນຂໍ້ແຂ່ງຂັນຮັກຊາດ ແລະ ພັດທະນາ ແລະ ຜ່ານດໍາລັດເລກທີ 158/ປປທ,ລົງວັນທີ 14/09/2022,ດໍາລັດເລກທີ 367/ນຍ,ລົງວັນທີ 14/09/2022, ຈາກນັ້ນຜ່ານລາຍຊື່ຍ້ອງຍໍຜູ້ທີມີຜົນງານດີເດັ່ນມີຄື: ຫລຽນໄຊແຮງງານ ຊັ້ນ II ຈໍານວນ 1 ທ່ານ  01 ຫລຽນ, ຫລຽນໄຊແຮງງານ ຊັ້ນ III ຈໍານວນ 11 ທ່ານ 11 ຫລຽນ, ຫລຽນກາແຮງງານ ຈໍານວນ 15 ທ່ານ 15 ຫລຽນ, ໃບຍ້ອງຍໍລັດຖະບານ ຈໍານວນ 13 ທ່ານ ແລະ ໃບຍ້ອງຍໍຂອງທານເຈົ້າແຂວງ ແຂວງວຽງຈັນ 10 ທ່ານ.

ໂອກາດດັ່ງກ່າວ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງ ໄດ້ສະແດງຄວາມຍ້ອງຍໍຊົມເຊີຍຜົນງານທີ່ພະນັກງານ-ລັດຖະກອນຂອງສະພາປະຊາຊົນແຂວງທີສາມາດຍາດມາໄດ້ວຽກງານແຂ່ງຂັນຍ້ອງຍໍເປັນວຽກງານໜື່ງທີ່ມີຄວາມສໍາຄັນຫຼາຍໃນການປະກອບສ່ວນກະຕຸກຊຸກຍູ້ໃຫ້ພະນັກງານ-ລັດຖະກອນທີ່ມີຄວາມຫ້າວຫັນປະກອບສ່ວນສູມສະຕິປັນຍາດ,ເຫື່ອແຮງ ແລະ ເອົາໃຈໃສ່ປະຕິບັດໜ້າທີ່ວຽກງານຕາມການມອບໜາຍ.

ພ້ອມດຽວກັນນັ້ນ,ຍັງໄດ້ເນັ້ນໃຫ້ຜູ້ທີ່ໄດ້ຮັບການຍ້ອງຍໍໃນຄັ້ງນີ້ກໍ່ຄືພະນັກງານ-ລັດຖະກອນຂອງສະພາປະຊາຊົນແຂວງທຸກຄົນຕ້ອງມີລະບຽບວິໃນ ທີ່ເຂັ້ມງວດໃນການຈັດຕັ້ງປະຕິບັດວຽກງານຕ່າງໆ,ມີແບບແຜນທີລະອຽດປະຕິບັດວຽກງານຕ່າງໆໃຫ້ທັນການ,ໃຫ້ມີການປະສານສົມທົບກັບຂະແໜງການແຂວງ,ເມືອງໃຫ້ກົມກຽວດີຂື້ນກວ່າເກົ່າ ແລະ ຮັດແໜ້ນຄວາມສາມັກຄີຊ່ວຍເຫຼືອເຊີ່ງກັນ ແລະ ກັນ,ທີສໍາຄັນທີ່ສຸດແມ່ນຕິດຕາມກວດກາການເຮັດວຽກງານໃຫ້ຖຶກຕາມລະບຽບວິໄນໃຫ້ຖືກຕ້ອງ ທັງນີ້ກໍ່ເພື່ອໃຫ້ການຈັດຕັ້ງວຽກງານສາມາດເດີນແມ່ນແລ່ນສະດວກໄດ້ດີຂື້ນເປັນກ້າວ.