ວັນທີ 11 ທັນວາ 2023 ສະພາປະຊາຊົນແຂວງວຽງຈັນ ໄດ້ຈັດພິທີປາຖະກະຖາທົບທວນຫວນຄືນເຖິງມູນເຊື້ອ ຂອງສອງວັນປະຫວັດສາດທີ່ສຳຄັນ ຂອງຊາດລາວເຮົານັ້ນກໍຄື: ວັນຊາດທີ 2 ທັນວາ ຄົບຮອບ 48 ປີ ແລະ ວັນຄ້າຍວັນເກີດ ຂອງປະທານ ໄກສອນ ພົມວິຫານ ຄົບຮອບ 103 ປີ ພ້ອມທັງເຜີຍແຜ່ເອກະສານຜົນສໍາເລັດກອງປະຊຸມຄົບຄະນະບໍລິຫານງານພັກກາງສະໄໝທີ VI ຂອງອົງຄະນະພັກແຂວງ ພາຍໃຕ້ການເປັນປະທານຮ່ວມຂອງ ທ່ານ ບຸນສອນ ເພັດລາວັນ  ປະທານສະພາປະຊາຊົນ ແຂວງວຽງຈັນ ແລະ ທ່ານ ລໍາໄມ ກູດລາວົງ ຮອງປະທານສະພາປະຊາຊົນແຂວງ ເຂົ້າຮ່ວມມີ ຮອງປະທານສະພາປະຊາຊົນແຂວງ, ຄະນະກໍາມະການ,ຮອງເລຂາທິການ, ຫົວໜ້າ-ຮອງຫົວໜ້າຂະແໜງ,ສະມາຊິກພັກ, ພະນັກງານພາຍໃນສະພາປະຊາຊົນແຂວງວຽງຈັນເຂົ້າຮ່ວມຢ່າງພ້ອມພຽງ.

ເອກະສານທີ່ນໍາມາເຊື່ອມຊຶ້ມໃນຄັ້ງນີ້ມີ: ເອກະສານ ປາຖະກະຖາສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 48 ປີ, ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 103 ປີ ແລະ ຜົນສໍາເລັດກອງປະຊຸມຄົບຄະນະບໍລິຫານງານພັກກາງສະໄໜທີ VI ຂອງອົງຄະນະພັກແຂວງ; ເອກະສານ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7 ສະໄໜທີ XI; ມະຕິ ວ່າດ້ວຍສືບຕໍ່ຍູ້ແຮງງານຜັນຂະຫຍາຍແນວທາງປ່ຽນແປງໃໜ່ ສູ່ລວງເລິກສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນໍາພາ ຂອງພັກ.

ໃນພິທີ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ ໄດ້ກ່າວປາຖະກະຖາ ໂດຍຫວນຄືນມູນເຊື້ອຂອງຊາດທີ 2 ທັນວາ ໄຊຊະນະອັນໃຫ່ຍຫຼວງຂອງປວງຊົນລາວໃນການຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ແລະ ການພັດທະນາຢູ່ແຂວງວຽງຈັນ 48 ປີ ຊຶ່ງ ວັນທີ 2 ທັນວ່າ 1975  ແມ່ນວັນທີມີຄວາມໜາຍຄວາມສໍາຄັນສໍາລັບທົວພັກ,ທົ່ວລັດ ແລະ ທົ່ວປວງຊົນລາວ, ຕະຫຼອດໄລຍະຂອງການຕໍ່ສູ້ອັນເນື່ອງນິດລຽນຕິດເກືອບໜື່ງສັດຕະວັດ ຕ້ານຈັກກະພັດລ່າເມືອງຂື້ນແບບເກົ່າ ແລະ ແບບໃໜ່; ໄລຍະທີ່ດຸເດືອດ, ຂ້ຽວຂາດ, ຫຍຸ້ງຍາກ, ລໍາບາກກວ່າໝູ່ໜົດ; ແຕ່ກໍ່ເປັນໄລຍະຕໍ່ສູ້ຕ້ານກັບຈັກກະພັດລ່າເມືອງຂຶ້ນແບບໃໜ່ ພາຍໃຕ້ການນໍາພາອັນປີຊາສາມາດ ແລະ ສະຫຼາດສ່ອງໃສຂອງພັກ ປະຊາຊົນປະຕິວັດລາວໂດຍມີ ປະທານ ໄກສອນ ພົມວິຫານ ທີ່ແສນເຄົາລົບຮັກເປັນຜູ້ນໍາພາ; ວັນຊາດທີ 2 ທັນວາ  1975 ແມ່ນວັນແຫ່ງໄຊຊະນະອັນຍິ່ງໃຫຍ່, ທີ່ແລກມາດ້ວຍເລືອດເນື້ອເຫື່ອໄຄຂອງນັກຮົບປະຕິວັດແລະ ປະຊາຊົນບັນດາເຜົ່າບໍ່ຈັກວ່າເທົ່າໃດ, ພາຍໃຕ້ການຊີ້ນຳ-ນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວໃນການປົກປັກຮັກສາແລະສ້າງສາພັດທະນາປະເທດຊາດຕະຫຼອດໄລຍະ 48 ຜ່ານມາ, ເຮັດໃຫ້ຊາດລາວຂອງພວກເຮົາເປັນທີ່ຮັບຮູ້ໃນເວທີສາກົນ,ສະຖານະຂອງຊາດລາວໄດ້ຮັບການເຊີດຊູສູງເດັ່ນຂຶ້ນໃນເວທີໂລກ; ການສະເຫຼີມສະຫຼອງວັນສະຖາປະນາສາທາລະນະລັດປະຊາທິປະໄຕປະຊາຊົນລາວ ແລະ ວັນຄ້າຍວັນເກີດ ຂອງປະທານ ໄກສອນ ພົມວິຫານ ໃນປີນີ້ແມ່ນຢູ່ໃນທ່າມກາງເຫດການສໍາຄັນຂອງແຂວງ ເພາະເປັນຊ່ວງໄລຍະທີ່ຊາວແຂວງວຽງຈັນຂອງພວກເຮົາພວມເບີກ ບານມ່ວນຊື່ນ ຂຳນັບຊົມເຊີຍຜົນສຳເລັດຂອງກອງປະຊຸມຄົບຄະນະບໍລິຫານງານພັກກາງສະໄໝທີVI, ຜົນສຳເລັດກອງປະຊະຊຸມຄົບຄະນະບໍລິຫານງານພັກແຂວງຄັ້ງທີ  11 ສະໄໝ VI ຂອງອົງຄະນະພັກແຂວງວຽງຈັນ, ກອງປະຊຸມສະຫຼຸບວຽກງານກໍ່ສ້າງຮາກຖານການເມືອງ ແລະ ວຽກງານ 3 ສ້າງປີ 2023 ທີ່ສຳເລັດລົງຢ່າງຈົບງາມ ແລະ  ເປັນຊ່ວງໄລຍະທີ່ກະກຽມດຳເນີນກອງປະຊຸມ 3 ຂັ້ນຢ່າງເປັນຂະບວນຟົດຟື້ນ.

ໃນໂອກາດທີມີຄວາມໝາຍສຳຄັນ ປະທານ ຍັງໄດ້ກ່າວຕີລາຄາສູງຕໍ່ຄວາມໝາຍສໍາຄັນໃນການປາຖະກະຖາເພື່ອເຮັດໃຫ້,ບັນດາສະມາຊິກພັກ,ພະນັກງານລັດຖະກອນທີ່ເຂົ້າຮ່ວມລະນຶກຄືນເຖິງເຫດການປະຫັວດສາດ,ເຊື່ອມຊຶມກໍາແໜ້ນຢ່າງເລິກເຊິ່ງຕໍ່ມູນເຊື້ອຂອງຊາດ,ມູນເຊື້ອອັນປະເສີດ ຂອງປະທານ ໄກສອນ ພົມວິຫານ ຜູ້ນໍາທີ່ຫຍິ່ງໃຫຍ່ ຂອງປວງຊົນລາວບັນດາເຜົ່າ ໃນການນໍາພາຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາປະເທດຊາດຈົນເຖິ່ງທຸກມື້ນີ້.