ໃນຕອນເຊົ້າຂອງວັນທີ 30 ພະຈິກ 2022 ເວລາ 8: 00 ສະພາປະຊາຊົນແຂວງວຽງຈັນ ໄດ້ຈັດພິທີປາຖະກະຖາວັນປະຫັວດສາດສໍາຄັນຂອງຊາດ ແລະ ເພືອນມິດຍຸດທະສາດຂື້ນ ເປັນຕົ້ນແມ່ນ: ວັນຊາດ ສປ ຈີນ ຄົບຮອບ 73 (01/10/1949 – 01/10/2022), ວັນປະກາດເອກະລາດ ສປປ ລາວ ຄົບຮອບ 77 ປີ (12/10/1945 – 12/10/2022), ວັນສ້າງຕັ້ງການທູດລາວ ຄົບຮອບ 77 ປີ (12/10/1945 – 12/10/2022), ວັນລະນຶກວັນສາກົນ ຄົບຮອບ 35 ປີ (17/10/1987 – 17 /10/2022 ) ແລະ ວັນສັບປະດາແຫ່ງຊາດເພື່ອລຶບລ້າງຄວາມທຸກຍາກຂອງ ສປປ ລາວ ຄົບຮອບ 19 ປີ (24/10/2003 – 24/10 /2022) ໂດຍໃຫ້ກຽດເປັນປະທານ ແລະ ຂຶ້ນປາຖະກະຖາຂອງ ທ່ານ ນາງ ຈັນທະຄອນ ສີອໍາພອນ ກໍາມະການພັກແຂວງ, ຮອງປະທານສະພາປະຊາຊົນແຂວງວຽງຈັນ ເຂົ້າຮ່ວມຮັບຟັງປາຖະກະຖາໃນຄັ້ງນີ້ມີ: ເລຂາທິການ, ຮອງເລຂາທິການ, ຫົວໜ້າຂະແໜງ-ຮອງຫົວໜ້າຂະແໜງ, ສະມາຊິກພັກ ແລະ ພະນັກງານຂອງສະພາປະຊາຊົນແຂວງເຂົ້າຮ່ວມຮັບຟັງຢ່າງພ້ອມພຽງ.

         ພິທີດັ່ງກ່າວທ່ານໄດ້ຫວນຄື້ນມູນເຊື້ອປະຫວັດສາດທີ່ມີຄວາມໜາຍຄວາມສໍາຄັນ ເປັນຕົ້ນ ການຮ່ວມມືລະຫວ່າງ ສປປ ລາວ – ສປ ຈີນ, ປະຫວັດການຕໍ່ສູ້ຢ່າງພິລາອາດຫານພາຍໃຕ້ການນໍາພາອັນສະຫຼາດສອງໃສຂອງພັກປະຊາຊົນປະຕິວັດລາວຄວາມໜາຍຄວາມສໍາຄັນຂອງວຽກງານການທູດ ແລະ ແນວທາງການແກ້ໄຂຄວາມທຸກຍາກຂອງພັກ ແລະ ລັດຖະບານໃນອາດີດປະຈຸບັນກໍ່ຄືໃນຕໍ່ໜ້າ ແນໃສເຮັດໃຫ້ພະນັກງານ,ສະມາຊິກພັກຂອງສະພາປະຊາຊົນແຂວງວຽງຈັນໃດ້ຮັບຮູ້ ແລະ ເຂົ້າໃຈຢ່າງເລິກເຊິ່ງເປັນຕົ້ນແມ່ນ:

1. ເພື່ອເຮັດໃຫ້ພະນັກງານ-ສະມາຊິກພັກ ແລະ ປະຊາຊົນບັນດາເຜົ່າ ມີຄວາມຮັບຮູ້ ແລະ ເຂົ້າໃຈຕໍ່ກັບມູນເຊື້ອຮັກຊາດ,ຕໍ່ສູ້ພິລາອາດຫານ,ຄວາມສາມັກຄີ,ການເສຍສະຫຼະອັນໃຫ່ຍຫຼວງຂອງກອງທັບ ແລະ ປະຊາຊົນລາວ ພາຍໃຕການຊີ້ນໍາ-ນໍາພາຂອງພັກໃນການຕໍ່ສູ້ປົດປ່ອຍຊາດຈົນໄດ້ຮັບໄຊຊະນະ ແລະ ປະກາດເອກະລາດ ໃນວັນທີ 12 ຕຸລາ 1945.
2. ເພື່ອເສີມຂະຫຍາຍມູນເຊື້ອອັນດີງາມຂອງວັນການທູດລາວເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະໃໜ່ ເວົ້າລວມ,ເວົ້າສະເພາະ ແມ່ນການຈັດຕັ້ງປະຕິບັດແນວທາງການຕ່າງປະເທດ,ການພົວພັນຮ່ວມມືຮອບດ້ານກັບບັນດາປະເທດ,ການພົວພັນຮ່ວມມືຮອບດ້ານກັບບັນດາປະເທດເພືອນມິດໃນພາກພື້ນ ແລະ ສາກົນ.
3. ເພື່ອເປັນການຮັດແໜ້ນ ແລະ ເພີ່ມທະວີການພົວພັນຮ່ວມມືຮອບດ້ານກັບປະເທດເພືອນມິດຍຸດທະສາດ,ທັງເປັນການເສີມຂະຫຍາຍການພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຮອບດ້ານ ກັບ ສປ ຈີນ.
4. ເພື່ອລະນຶກວັນສາກົນ ພາຍໃຕ້ຫົວຂໍ້: ສາມັກຄີກັນເຄື່ອນໄຫວ ເພື່ອລືບລ້າງທຸກຮູບແບບການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ໃນນັ້ນແມ່ນຮຽກຮ້ອງໃຫ້ບັນດາປະເທດໃນທົ່ວໂລກ ເພີ່ມທະວີຄວາມຮັບຮູ້ເຂົ້າໃຈ ພ້ອມທັງສົ່ງເສີມຄວາມຮູ້ ແລະ ນະວັດຕະກໍາທັນສະໄໜ ໃຫ້ແກ່ປະຊາຊົນຂອງຕົນ ແນໃສລຶບລ້າງທຸກຮູບແບບການໃຊ້ຄວາມຮຸນແຮງຕໍ່ແມ່ຍິງ ໃຫ້ໜົດໄປຕະຫຼອດການ.
5. ເພື່ອເປັນການເພີ່ມທະວີຮ່ວມມືກັນ,ເປັນການເຊີດຊູຄວາມຮັບຜິດຊອບ,ເປັນການປຸກລະດົມກໍາລັງແຮງທົ່ວສັງຄົມໃນຊາດ ສຸມໃສ່ແກ້ໄຂໄພອຶດຫີວ ແລະ ຄວາມທຸກຍາກໃຫ້ແກ່ປະຊາຊົນໃຫ້ໜົດໄປ.