ໃນວັນທີ 13 ມິຖຸນາ 2023 ທີ່ຜ່ານມານີ້ ສະພາປະຊາຊົນແຂວງ ໄດ້ຈັດພິທີປະກາດແຕ່ງຕັ້ງຮອງຫົວໜ້າຂະແໜງ ພາຍໃຕ້ການເປັນປະທານຂອງ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັ  ເຂົ້າຮ່ວມມີ ຮອງປະທານສະພາປະຊາຊົນ, ຄະນະກໍາມາການ, ຮອງເລຂາທິການ, ພະແນກການອອ້ມຂ້າງແຂວງ, ຫົວໜ້າຂະແໜງ-ຮອງຂະແໜງ ສະມາຊິກພັກ, ພະນັກງານພາຍໃນສະພາປະຊາຊົນແຂວງວຽງຈັນເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ນາງ ໃສແສງຈັນ ແສງພະຈັນ ຮອງເລຂາທິການສະພາປະຊາຊົນແຂວງ ໄດ້ຜ່ານຂໍ້ຕົກລົງຂອງປະທານສະພາປະຊາຊົນແຂວງ ວ່າດ້ວຍ ການແຕ່ງຕັ້ງ ຮອງຫົວໜ້າຂະແໜງ ພາຍໃນສະພາປະຊາຊົນແຂວງ ເຊິ່ງໄດ້ຕົກລົງແຕ່ງຕັ້ງ ທ່ານ ນາງ ພູວຽງ ວົງພະຈັນ ເປັນຮອງຫົວໜ້າຂະແໜງ ຈັດຕັ້ງ,ບໍລິຫານ-ການເງິນ, ແຕ່ງຕັ້ງ ທ່ານ ຕົ້ນຕະການ ທອງສະຫງວນ ເປັນຮອງຂະແໜງຄົ້ນຄວ້າ-ສັງລວມ,ຂໍ້ມູນ ແລະ ຂ່າວສານ, ແຕ່ງຕັ້ງ ທ່ານ ນາງ ເພັດສະໜອນ ສຸວັນນະສານ ເປັນຮອງຫົວໜ້າຂະແໜງ ວຽກງານສະມາຊິກສະພາແຫ່ງຊາດ ປະຈໍາເຂດເລືອກຕັ້ງ, ແຕ່ງຕັ້ງ ທ່ານ ພັກສະດີ ໄຊປັນຍາ ເປັນຮອງຫົວໜ້າຂະແໜງ ເສດຖະກິດ ທັງນີກໍ່ເພື່ອເປັນການປັບປຸງກົງຈັກພາຍໃນສະພາປະຊາຊົນແຂວງວຽງຈັນ ແລະ ປະຕິບັດຕາມແນວທາງນະໂຍບາຍຂອງພັກ-ລັດ.

ຈາກນັ້ນຕອນທ້າຍຂອງພິທີ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ ໄດ້ມີຄໍາເຫັນໂອລົມຕໍ່ຜູ້ທີໄດ້ຮັບການແຕ່ງຕັ້ງຮັບໜ້າທີໃໜ່ ໃຫ້ເອົາໃຈໃສ່ຝຶກຝົນຫຼໍໍ່ຫຼອມຕົນເອງ ຍົກສູງຄວາມຮູ້ຄວາມສາມາດໃຫ້ທຽບທັນກັບຄວາມຮຽກຮ້ອງຕ້ອງການຂອງໜ້າວຽກເພື່ອໃຫ້ມີແບບແຜນວິທີເຮັດວຽກຢ່າງລະອຽດຈະແຈ້ງຕໍ່ກັບການປະຕິບັດວຽກງານວິຊາສະເພາະທີພັກ ແລະ ລັດ ກໍຄືປະຊາຊົນມອບໝາຍໃຫ້ມີຜົນສໍາເລັດຕາມລະດັບຄາດໝາຍ.

(ພາບ-ຂ່າວ ໂດຍ: ນາງ ບູລາຕີ ແສນທະວົງ).