ສພຊ) ໃນວັນທີ 30 ມີນາ 2022 ໜ່ວຍຮາກຖານຊາວໜຸ່ມສະພາປະຊາຊົນແຂວງ (ສພຂ) ຈັດພິທີປະກາດຮັບຮອງ 4 ບຸກຂອງໜ່ວຍຮາກຖານຊາວໜຸ່ມສະພາປະຊາຊົນແຂວງວຽງຈັນໂດຍການເປັນປະທານຂອງສະຫາຍ ຄໍາຫລ້າ ສີສຸວົງ ຄະນະໜ່ວຍພັກ, ເລຂາທິການ ສພຂ, ສະຫາຍ ດາວສະຫວັນ ລາດຊະວົງ ຄະນະໜ່ວຍພັກ, ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ສີເພັດ ແພງວົງໄຊ ຮອງຂະແໜງເສດຖະກິດ ແຜນການ ແລະ ການເງິນ, ຮອງຫົວໜ້າໜ່ວຍຮາກຖານຊາວໜຸ່ມ ສພຂ, ມີບັນດາຕາງໜ້າຈາກອົງການຈັດຕັ້ງມະຫາຊົນພາຍໃນ ສພຂ ຕະຫລອດຮອດສະມາຊິກຊາວໜຸ່ມ ສພຂ ເຂົ້າຮ່ວມຢ່າງພ້ອມພຽງ.

ໃນພິທີ, ສະຫາຍ ສີເພັດ ແພງວົງໄຊ ໄດ້ຂຶ້ນຜ່ານບົດສະຫລຸບຕີລາຄາປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ທິດທາງແຜນການໃນຕໍ່ໜ້າ. ຈາກນັ້ນ, ໄດ້ຮັບຟັງການຂຶ້ນຜ່ານບົດລາຍງານຄອບຄົວຕົວແບບຂອງໜ່ວຍຂອງໜ່ວຍ ສພຂ ໄດ້ມີການມອບ-ຮັບໃບຢັ້ງຢືນ 4 ບຸກໃຫ້ໜ່ວຍໃຫ້ແກ່ໜ່ວຍຮາກຖານຊາວໜຸ່ມ ແລະ ສະມາຊິກຊາວໜຸ່ມ ສພຂ.

ໃນຕອນທ້າຍ, ສະຫາຍ ດາວສະຫວັນ ລາດສະວົງ ໄດ້ໃຫ້ກຽດຂຶ້ນໂອ້ລົມສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຊາວໜຸ່ມ ແລະ ສະມາຊິກຊາວໜຸ່ມທີ່ສາມາດຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ຍາດໄດ້ທຸງໄຊນາມມະຍົດ, ຄະນະຊາວໜຸ່ມຕ້ອງໄດ້ເອົາໃຈໃສ່ຕິດຕາມກວດກາ ແນ່ໃສສຶກສາອົບຮົມແນວຄິດການເມືອງເສີມຂະຫຍາຍຄວາມຮັບຜິດຊອບຕໍ່ໜ້າທີ່ວຽກງານສືບຕໍ່ຈັດຕັ້ງປະຕິບັດຂໍ້ແຂ່ງຂັນ 4 ບຸກໃຫ້ເປັນປົກກະຕິ, ສຶກສາອົບຮົມສ້າງອາຊີບເສີມໃຫ້ແກ່ສະມາຊິກໃຫ້ກາຍເປັນຄອບຄົວຕົວແບບ ແລະ ໄດ້ຮັບນາມມະຍົດ 4 ບຸກໃນຕໍ່ໜ້າ.

(ນັກຂ່າວ ສພຂ ວຽງຈັນ)