ໃນຕອນເຊົ້າ 13 ຕຸລາ 2023 ນີ້ ຄະ​ນະ​ພັກຮາກຖານສະພາປະຊາຊົນແຂວງສະຫວັນນະເຂດ ຈັດພິທີປະກາດຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 04 ສະຫາຍ; ຍິງ 02 ສະຫາຍ ໂດຍການເປັນປະທານຂອງສະຫາຍ ກົງແກ້ວ ມີວໍລະຈັກ ຮອງເລຂາພັກແຂວງ ເລຂາຄະນະພັກຮາກຖານສະພາປະຊາຊົນແຂວງ, ມີຄະນະພັກຮາກຖານ, ຄະນະໜ່ວຍພັກ ແລະ ຕາງໜ້າຈາກຄະນະຈັດຕັ້ງແຂວງ, ຄະນະກວດກາພັກແຂວງ,ຄະນະໝ່ວຍພັກຮາກຖານພະແນກຍຸຕິທຳ, ຄະນະໝ່ວຍພັກຮາກຖານພະແນກແຜນການ ແລະ ການລົງທຶກແຂວງ, ຄະນະໜ່ວຍພັກອົງການໄອຍະການປະຊາຊົນແຂວງ ແລະ ຄະນະໜ່ວຍພັກສານປະຊາຊົນແຂວງ  ພ້ອມດ້ວຍສະມາຊິກພັກພາຍໃນສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ໃນໂອກາດນີ້ ສະຫາຍ ຄຳຜັນ ຄູນສະຫວັນ ຄະນະປະຈຳພັກແຂວງ ທັງເປັນຮອງເລຂາຄະນະພັກຮາກຖານສະພາປະຊາຊົນແຂວງ ກໍໄດ້ຂື້ນຜ່ານຂໍ້ຕົກລົງວ່າດ້ວຍຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ສັບຊ້ອນເຂົ້າໃນບັນດາໜ່ວຍພັກຄື: ໜ່ວຍພັກຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ ມີ ຍິງ 01 ສະຫາຍ, ໜ່ວຍພັກຄະນະກໍາມະການເສດຖະກິດ, ແຜນການ ແລະ ການເງິນ ມີຍິງ 01 ສະຫາຍ, ໜ່ວຍພັກຄະນະກໍາມະການວັດທະນະທຳ-ສັງຄົມ ແລະ  ບັນດາເຜົ່າ ມີ 01 ສະຫາຍ ແລະ ໜ່ວຍພັກຄະນະເລຂາທິການສະພາປະຊາຊົນແຂວງ ມີ 01 ສະຫາຍ.

ຫຼັງຈາກນັ້ນ ສະຫາຍ ກົງແກ້ວ ມີວໍລະຈັກ  ກໍໄດ້ຂື້ນໂອ້ລົມແກ່ບັນດາພະນັກງານ – ສະມາຊິກພັກສຳຮອງໃໝ່ ໃຫ້ເອົາໃຈໃສ່ເຊື່ອມຊືມຕໍ່ກົດລະບຽບພັກປະຊາຊົນປະຕິວັດລາວ ສະໄໝທີ XI ພ້ອມດ້ວຍປະຕິບັດໜ້າທີ່ວຽກງານວິຊາສະເພາະ ຕາມທີ່ຂັ້ນເທິງມອບໝາຍ ໃຫ້ມີປະສິດທິຜົນ ແລະ ບັນລຸຕາມເປົ້າໝາຍທີ່ກຳນົດໄວ້, ພ້ອມກັນນັ້ນກໍ່ຍັງໄດ້ເໜັ້ນໜັກໃຫ້ບັນດາພະນັກງານ – ສະມາຊິກພັກທຸກສະຫາຍ ເອົາໃຈໃສຕໍ່ກັບວຽກງານການເມືອງ-ແນວຄິດ ໃຫ້ຖືເອົາເປັນບັນຫາຫຼັກ ແລະ ບັນຫາສຳຄັນ ພ້ອມທັງຮັບປະກັນການປະຕິບັດວຽກງານວິຊາສະເພາະຂອງແຕ່ລະສະຫາຍໃຫ້ມີຜົນສຳເລັດ.