ໃນຕອນເຊົ້າວັນທີ 06 ເມສາ 2022 ຢູ່ທີ່ສະພາປະຊາຊົນແຂວງໆສະຫວັນນະເຂດ ທ່ານ ບຸນລ້ວນ ລີໄຊຍະລາດ ຫົວໜ້າພະແນກພະລັງງານ ແລະ ບໍ່ແຮ່ ແຂວງສະຫວັນນະເຂດ ພ້ອມຄະນະ ໄດ້ນໍາເອົາຊຸດຄອບພີວເຕີຕັ້ງໂຕະ ຈຳນວນ 1 ຊຸດ ແລະ ເຄື່ອງປິນເຕີ້ຂາວດຳ (  canon LPB6030 ) ຈຳນວນ 1 ໝ່ວຍ ລວມມູນຄ່າ 5.300.000 ກີບ. ມອບໃຫ້ສະພາປະຊາຊົນແຂວງ ໂດຍການກ່າວຮັບຂອງທ່ານ ກົງແກ້ວ ມີວໍລະຈັກ ຮອງເລຂາພັກແຂວງ ປະທານສະພາປະຊາຊົນແຂວງ ພ້ອມດ້ວຍ ທ່ານ ພູທອນ ພຸດທະຂັນຕິ ເລຂາທິການສະພາປະຊາຊົນແຂວງ ເຂົ້າຮ່ວມ. ໂອກາດດັ່ງກ່າວທ່ານ ກົງແກ້ວ ມີວໍລະຈັກ ກໍໄດ້ສະແດງຄວາມຂອບໃຈຕໍ່ກັບການຊ່ວຍເຫຼືອໃນຄັ້ງນີ້ ແລະ ຈະນໍາເອົາເຄື່ອງດັ່ງກ່າວ ໄປມອບຕໍ່ໃຫ້ຈຸດສຸມຈຽງຕູບ ເມືອງເຊໂປນ ເພື່ອຄວາມສະດວກໃນການນໍາໃຊ້ເຂົ້າໃນການປະຕິບັດໜ້າທີ່ວຽກງານ ສຳລັບເຄື່ອງທີ່ນຳມາມອບໃນຄັ້ງນີ້ ແມ່ນໄດ້ຮັບການອຸປະຖ້ຳຈາກ ກຸ່ມບໍລິສັດຄູນໄຊພັດທະນາກໍ່ສ້າງ.