ເພື່ອສ້າງຄວາມເຂັ້ມແຂງໃຫ້ແກ່ວຽກງານສື່ມວນຊົນ ຢູ່ຂັ້ນທ້ອງຖິ່ນ ໃນຖານະເປັນກະບອກສຽງໂຄສະນາເຜີຍແຜ່ ພາລະບົດບາດ, ສິດ ແລະ ໜ້າທີ່ ຂອງສະພາແຫ່ງຊາດ, ສະພາປະຊາຊົນຂັ້ນແຂວງ ກໍ່ຄືການເຄື່ອນໄຫວວຽກງານຕ່າງໆ ຂອງສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ແລະ ສະມາຊິກສະພາປະຊາຊົນແຂວງ ໃນແຕ່ລະໄລຍະ ໃຫ້ວ່ອງໄວ ແລະ ທັນການ.
ວັນທີ 17 ກຸມພາ 2022 ນີ້ ທີ່ຫ້ອງປະຊຸມສະພາປະຊາຊົນແຂວງ ໄຊຍະບູລີ ກົມສື່ມວນຊົນ ສະພາແຫ່ງຊາດ ນໍາໂດຍ ທ່ານ ເປຄໍາ ລໍຄໍາສອນ ຮອງຫົວໜ້າກົມສື່ມວນຊົນ ສະພາແຫ່ງຊາດ ພ້ອມດ້ວຍຄະນະ ໄດ້ລົງເຄື່ອນໄຫວຈັດຝຶກອົບຮົມວຽກງານສື່ມວນຊົນ ໃນຫົວຂໍ້ ຍຸດທະສາດໃໝ່ແຫ່ງການກະຈາຍຂໍ້ມູນ-ຂ່າວສານ ຜ່ານລະບົບແອັບພິເຄຊັນໃນມືຖື ເປັນກຽດເຂົ້າຮ່ວມມີ ທ່ານ ຄອນປະສິດ ສຸນາເຄນ ຮອງເລຂາທິການ ພ້ອມດ້ວຍພະນັກງານວິຊາການຜູ້ຮັບຜິດຊອບວຽກງານດັ່ງກ່າວ ແລະ ພະນັກງານວິຊາການຈາກບັນດາຂະແໜງການ ພາຍໃນສະພາປະຊາຊົນແຂວງ ໄຊຍະບູລີ ເຂົ້າຮ່ວມ.
(ພາບ: ອາລິນ ສຸພິມມະປະດິດ, ຂ່າວ: ນີ່ຕູ່ ປະສິດທິພົງ)