ໃນຕອນເຊົ້າຂອງວັນພຸດ, ວັນທີ 11 ພຶດສະພາ 2022 ຢູ່ທີ່ສະໂມສອນເມືອງນາໝໍ້, ເປັນມື້ທີ 2 ຂອງຊຸດຝຶກອົມຮົມການສ້າງຄວາມເຂັ້ມແຂງ ໃຫ້ແກ່ພະນັກງານຊ່ວຍວຽກ ສະພາປະຊາຊົນແຂວງອຸດົມໄຊ(ແບບທາງໄກ) ໂດຍການເປັນປະທານຂອງທ່ານ ຄຳເຜີຍ ງອນວັນຄໍາ ກຳມະການປະຈໍາພັກແຂວງ, ຮອງປະທານ ສພຂ ແລະ ທ່ານ ປອ ສາຍທອງ ພົມມະວົງ ຮອງຫົວໜ້າກົມການເງິນ, ການທະນາຄານ ແລະ ການກວດສອບ ສະພາແຫ່ງຊາດ, ມີບັນດາທ່ານກໍາມະການປະຈໍາ ສພຂ, ຄະນະເລຂາທິການ, ພະນັກງານວິຊາການພາຍໃນ ສພຂ ແລະ ພະນັກງານຊ່ວຍວຽກຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງ 7 ເມືອງ ເຂົ້າຮ່ວມ.

ເນື້ອໃນທີ່ນັກສຳມະນາກອນໄດ້ຮັບຟັງໃນມື້ນີ້ແມ່ນກ່ຽວກັບການຕິດຕາມກວດການແຜນງົປະມານ ແລະ ແຜນພັດທະນາເສດຖະກິດ-ສັງຄົມ ຄື: ຄວາມເຂົ້າໃຈກ່ຽວກັບການຕິດຕາມກວດກາ, ຂະບວນການຕິດຕາມກວດກາ, ການຕິດຕາມກວດການແຜນງົປະມານ ແລະ ແຜນພັດທະນາເສດຖະກິດ-ສັງຄົມ, ການຕິດຕາມແຜນງົບປະມານ ແລະ ການນໍາໃຊ້ຜົນການຕິດຕາມກວດກາ.

ຈາກນັ້ນ, ກອງປະຊຸມໄດ້ເປີດກວ້າງໃຫ້ຜູ້ເຂົ້າຮ່ວມມີຄໍາຄິດຄຳເຫັນ; ສົນທະນາແລກປ່ຽນ ກ່ຽວກັບ ການຕິດ ຕາມກວດການແຜນງົປະມານ ແລະ ແຜນພັດທະນາເສດຖະກິດ-ສັງຄົມ ແລະ ຕໍ່ກັບບັນຫາຕ່າງໃນການຈັດຕັ້ງປະຕິບັດວຽກງານໄລຍະຜ່ານມາ ມີຂໍ້ສະດວກ ແລະ ຫຍຸ້ງຍາກແນວໃດ, ການປະກອບຄໍາເຫັນ, ສົນທະນາແລກປ່ຽນ ເຫັນວ່າເລິກເຊິ່ງຖີ່ຖ້ວນ ແລະ ແລກແລວພໍ່ສົມຄວນ.

ພາບ-ຂ່າວ: ແສງພອນ ອິນນະລົງ.